MERKEZÊ XEBERAN - Rêxistina HDPyî ya Îzmîrî pare kerd ke kesanê 'nenasan' eşt awanîya înan ser û awanî daye adirî ver.

 

Partîya Demokratîke ya Şaran (HDP) hesabê xo yê twitterî ser o eşkerayîyêke daye û pare kerd ke tay kesan eşt awanîya înan ser û adir verda awanî. Eşkerayîye de wina ame vatene: “Kesêkî pê çeke eşt awanîya ma ya Îzmîrî ser û adir verda awanîya ma. Zereyê awanî de embazêkê ma yo wezîfedar estbi. Hêrişker zî fermandarê hêrişî zî eşkera yê. Eke serebûtêko xirab biqewimîyo tira îqtîdar mesuldar o.”