COLEMÊRG - 4 cinîyê sîyasetmedarî yê Qezaya Şemzînan û Colemêrgî de 11ê Hezîrane de amebî destbendkerdene, sewqê edlîye ameyî kerdene.

 

Qezaya Colemêrgî û Qezaya Şemzînanî de 11ê Hezîrane de çarçewaya cipersayîşê hetê Serdozgerîya Komare ya Colemêrgî amebî destpêkerdene, 4 cinîyê sîyasetmedarî bi operasyonê polîsan ameyî destbendkerdene û dimayê Mudurîyê Emnîyetî yê Colemêrgî îfadeyê înan ame girewtene, sewqê Edliyeyê Colemêrgî ameyî kerdene.

 

Seke bahaneyê destbendkerdişî zî Çawişê Pispor Mûsa Orhan ke tecawizê Îpek Er kerd û bi sebeb ke Îpeke xo bikişa, ame ramojnayene.

 

Nameyê cinîyê sîyasetmedar yê ke ameyê destbendkerdene wina yê: Hemsereka HDPyî ya Merkezê Qezayî  Sînem Seven, Vervatoxa Meclîsê Cinîyan ya Colemêrgî Zeynep Kaya, Hemsereka HDPyî ya Şemzînanî Sozdar Atil û Hemsereka HDPyî ya serdema verê  Sîpan Turan.