RIHA - Nobeta "Edaletî" ya Keyeyê Şenyaşarî 96 rojî yo dewam kena. Keyeyî mesajê xo de dîyar kerd ke tena pey edaletî yê.

 

Çalakîya nobeta “Edaletî” ya Emîne Şenyaşarî mêrde û di lajê xo netîceyê hêrişê pawitox û merdimê Parlamenterê AKPyî yê Rihayî Îbrahîm Halîl Yildiz vinî kerd, bi lajê xo yê Ferît Şenyaşarî dir verê Edlîyeyê Rihayî de nobeta xo 96 rojî yo dewam kenê. Semedê qedexeyê tebervejîyayîşê kuçeyan ê peynîya hewtey, çalakîya xo ya edaletî keyeyê xo yê Pirsûsî de dewam kenê.

 

Keyeyî serê hesabê xo yê medyaya dîjîtalî de dîmenê serdayîşê Sereka Pêroyî ya Baskê Cinîyan ê CHPyî Aylîn Nazliaka û heyetê ci dir pare kerd û spasîyê xo kerd.

 

Keyeyî tewr peyîn mesajê xo de wina vat: "Dewaya ma de qanûnê serdestan yeno pawitene. Ma do serdestîyê huqûqî bi paştdayîş peyser bîyarê. Ma tena Edalet wazenê."