STENBOL - Versucê tecawuzê Mûsa Orhan ke dewa Ezgî Mola akerd, newe ra dewaya Îpek Er ard rojeve. Xelisnayîşê Cinîyan ra Başak Yeşîlot ke semedê Îpeke çalakî kerdî û derheqê înan de dewa akerdî, dîyar kerd ke hewl yeno dayene dewaya Îpek Er bêro nimtene û vat: "Ganî bêro vatene ke Kurdistan de sey polîtîkayêkê dewlete şîdet û tedayê serê cinîyan zêde bîyo."

 

Serra vîyarte de Êlih de cinîya bi nameyê Îpek Er bi tecawuzê çawîşê pisporî Mûsa Orhan dir rî bi rî mendebî û dimayê nê Îpek Er întîxar kerdibi. Serê reaksîyonê rayaumumî versucê tecawuzî Mûsa Orhan ame tepişetene û hewteyêk bîn ame veradayene. Ezgî Mola hesabê xo yê çapemenîya dîjîtalî de 20ê tebaxa 2020 de derheqê veradayîşê Mûsa Orhan de parekerdiş kerd û Ezgî Mola rê dewa ameye akerdene. Na dewa dir, dewaya Îpek Er newe ra ame rojeve. Dimayê parekerdişê Ezgî Mola tecawuzkar Mûsa Orhan derheqê Ezgî Mola de Serdozgerîya Komare ya Enqereyî muracatê sucî kerd. Çarçewaya cipersayîşê ame destpêekrdene de bi waştişê heta di serran Ezgî rê dewa ame akerdene. Sewbîna derheqê 16 kesê ke paştdayîş dayî Ezgî Mola zî muracatê sucî ame kerdene.

 

Xelasîyayîşê Cinîyan serra vîyarte, 20ê tebaxe de Meydanê Taksîmî de pankartê 'kiştoxê Îpeke sîstemê serdest yê camêrdan o.' wedarnayî û çalakî kerdî. Cinîyî çalakî de bi iyê îşkence ameyî destbendkerdene. Xelisnayîşê Cinîyan ra Başak Yeşîlot, ke o wext ameye destbendkerdene, dîyar kerd ke do her wext wayîrê dewaya Îpek Er vejîyê.

 

'Dewlete kerdoxê şîdetî ya'

 

Başake dîyar kerd ke serebûtê Îpek Er, nîşaneyê ke bi destê sazgehê dewlete şîdetê serê cinîyan de yeno sîstematîkerdene û vat: "Kurdistan de sey polîtîkayêkê dewlete şîdet û tedayê serê cinîyan zêde bîyo. No tevgerêk taybet o. Na rewşa ke hêzê şîdet, tacîz û tecawuzî bi ca ano de, dewlete bixo kerdoxê şîdetî yo.

 

'Heme kesê ke kewenê paştdayîşî hedef yenê girewtene'

 

Başake bal ant serê parekerdişê Ezgî Mola ya serê Twitterî û vat, bi Twitter rewşe şermezar kerda wina vat: "Dima ra zî derheqê Ezgîye de dewa ameye akerdene. Nê dir dewaya kewt rojeve. Dewlete hewl dana dewa binimno. Semedê nê zî heme kesê ke bi Îpeke dir kewenê, paştdayîş hedef gêno. Wextê ma Taksîm de çalakî kerd, ma ameyî destbendkerdene. Ma dosya ra berat bî. Ma do reyna taqîbkerdoxê dewa bê. Heme kesê vanê ke ganî Mûsa Orhan bêro tepişetene, hedef yenê girewtene. Ma dewleta camêrd baş nas kenê. Bi heme sazgehê xo  çimî veradayê heq û destkewtişê cinîyan. Ma na dewlete baş nas kenê. La dewleta camêrd zî ma nas kena. Ma, yanî cinîyê ke kuçeyan de yê edalet gêrenê, baş nas kenê."