ÎZMÎR - Parlamentera CHPyî ya Denîzlî Gulîzar Bîçer Karaca dîyar kerd ke bi vatişê cînspereset yê wezîrê karê zereyî Suleyman Soylu û lîderê çeteyê Sedat Pekerî bi paştdayîşê dewlete, bedenê cinî û têkoşînê cinîyan keno hacet û veng da heme cinîyê meclîs û cinîyê teberî kerd ke vajê, "dest serê bîyayîşê cinîyan ra nameyê cinîyan bidê kîşte."

 

Tirkîya de demê peyîn de îtîrafê lîderê rêxistinê sucî yê bi paştdayîşê dewlete Sedat Peker rojeve de ca girewt. Îtîrafê Sedat Pekerî yê derheqê wezîrê karê zereyî Suleyman Soylu de zî hetê partîyê muxalefetî ra şi meclîs û ame waştene ke cipersayîşêk bi tesîr bêro kerdene. Sewbîna vatişê cinsperest yê  Suleyman Soylu yê derheqê Sedat Pekerî de zî, hetê cinîyan ra nêame qebulkerdene û cinîyan reaksîyonê pîlî ramojnayî. Parlamentera CHPyî ya Denîzlî Gulîzar Bîçer Karaca, derheqê vatişê Suleyman Soylu û Sedat Pekerî de ercnayîş kerd. Gulîzare dîyar kerd ke vatişê ke beden û têkoşînê cinîyan keno hacet, ewnîyayîşê îqtîdarî yê hemverê cinîyan nîşan dano, veng heme cinîyan kerd ke têkoşîn de bibê hempar.

 

'Ewnîyayîşê îqtîdarî vejêno werte' 

 

Gulîzare dewam de vat, wezîrê karê zereyî welatî heme asayîşê can û keyeyê welatijan ra berpirsîyar o û wezîr û Sedat Pekerî serê nameyê cinî û metakerdişê cinî bi tu hawayî nîno qebulkerdene. Gulîzare wina vat: "Şerê înan psîkolojî suc o, her di hetê nîşan dano. Eynî wextî de zî ewnîyayîşê îqtîdarî yê hemverê cinîyan vejeno werte."

 

'Ganî heme cinîyê meclîsî û teberî bibê yew'

 

Gulîzare tewr peyîn wina vat: "Ganî cinîyê parlamenterî bibê yew û serê serkewtişê têkoşînê cinîyan de vinderê. Ma meclîs ewnîyenê, îqtîdarê sûcdarîyê serê bedenê cinîyande kenê û rojeva rast bi metakerdişê cinî nimnenê. Ganî heme cinî vajê ke, 'dest bîyayîş û nameyê cinîyan ra vera bidê û ziwandergî serê cinîyan de mekerê."