STENBOL - Vervatoxa SODAPî Sevtap Akdag Karahanli reaksîyon vera dewaya ke reya diyîn bi waştişê padayîşê HDPyî ameya akerdene da û vat, îqtîdar hewl dano rojeve bivurno û bi bahaneyê eletewş organîzasyonê komployî awan keno. Hemsereka SYKPyî Canan Yuce zî dîyar kerd ke semedê şar û înan tu heqdarîyê na dewa çin o.

 

Serdozgerîya Komara ya Dadgerî semedê padayîşê HDPyî reya diyîn  îdianame amade kerd û şawit Dadgeha Destûrê Bingeyîn. Îdianameyo ke 850 rîpelî yeno meydan, derheqê 500 sîyasetmedaran de qedexeyê sîyasî, birnayîşê hetkarîya xezîneyê semedê partîye û sewbîna desteserkerdişê hesabê bankayî yê partî waşt. Reaksîyonê hewldayîşê padayîşê HDPyî dewam keno.

 

Hemsereka Partîya Xelisnayîşê Newe ra yê Sosyalîstî (SYKP) Canan Yuce û Vervatoxa SODAPî Sevtap Akdag Karahli derheqê dewaya ameya akerdene de qisey kerd.

 

'Wazenê têkoşînê azadî bêveng bikerê'

 

Canan Yuce dîyar kerd ke dewaya padayîşî bi amancê bêvengkerdişê têkoşînê azadî û demokrasî yeno kerdene û vat: "Ma 7ê Hezîrane de vîan ke serkewtişê HDPyî eynî wextî de serkewtişê bindest, cinî, şaran o. No serkewtiş heme kedkaran rê bi hêvî. Îqtîdarê AKPyî a roje ra dima polîtîkayê teda û pelçiqnayîşî kerd dewre."

 

'Tu heqdarîyê ci çin o' 

 

Canane dewam de wina vat: "Bi serran o ma bale ancenê serê  tifaqê AKP- MHP Ergenekonî. Ma her wext reyna kerd, mafya dewlete rayîr bena. Îqtîdaro ke nika hewl dano serê hîn çîyan pado, çare bi hêrişê hemverê demokrasî vînenê. Çareyê bi padayîşê HDPyî de vînenê. La HDP nêeşkeno bêro padayene."

 

'Sey dewaya Kobanî do dewa veng vejîyo'

 

Sevtap Akdag Karahali zî reaksîyon vera dewaya padayîşî da û vat: "Îqtîdar semedê rojeve bivurno, bi sebebê eletewş, hemverê şarê kurdî, hêzê demokratîk û temsîlkarê organîzasyonê komployî awan kerdo. Eke hukm bi rastî wazeno kar û barê xo bikero, ganî îfadeyê kesê ke vanê ez şahidê nê ya, parçeyêk nê ya dest pêbikero. Sey dewaya Kobanî do dewa zî veng vejo. Ma vatibi, ‘Şima nêeşkenê HDPyî muhakemeke bikerê do HDP înan muhakeme bikero.' Na dewa zî sey ya Kobane veng vejîyo."