STENBOL - Meslîcê Asayîşê Kar û Weşîya Karkeran ya Stenbolî (ÎSÎG) raporê xo yê derheqê cînayetê tûtan ê sere karî de hadre kerd. Goreyê raporî 8 serrê peyênan de tewr tay 513 tûtî kar ser de merdî.

 

Rapor de ame vatene ke padîyayîşê mekteban bîyo sebebê zêdebîyayîşê hûmara tûtê karkeran û Tirkîya de tewr tay 2 mîlyon karkerê tûtî estê.

 

Waştişê vernîgirewtişê karkerîyê tûtan

 

Rapor de semedê vernîgirewtişê karkerîya tûtan nê pêşnîyazî ameyî kerdene:

 

“*Ganî sîstem û polîtîkayê perwerdeyî ke zemînê keda tûtan ercan keno, fek polîtîkayanê xo ra vera bido.

 

*Ganî dayeyê derheqê keda tûtan bi hawayêke zanist û asayîş raşt bêro weşanayene.

 

*Ganî şexs û dezgeyê ke tûtan bêqeyd danê xebetnayene nêrî peygoşkerdene û şertê înan ê cuye bêrî başkerdene.

 

*Ganî pêroyê tûtan bê pere û hawayêko asayîş kontrolê weşîye ra bêrî derbazkerdene û şertê înan ê cuye bêrî başkerdene.

 

*Ganî karkerîya tûtan bêra qedexekerdene.”