ŞIRNEX - Adir wareyê Derîya Cebraîlî yê dormeyê Koyê Cûdîyî yê Şirnexî de dewam keno. Ame zanayene ke nika dest bi viraştişê kalekolan ameyo kerdene.

 

Şewatê warê Derîya Cebraîlî bombardumanê baregehê leşkerî de dest pêkerd û ho beno hîra. Pê rayîrê qoricîyanê ke Qilaban û Şenoba ra ameyê ardene herême de darî birîyayî.

 

Şewat dewam keno û warê Derîya Mazî yê Koyê Cûdîyî de zî kalekolêko newe virazîyeno. Hetê bînî ra semedo ke wareyî bêrê hîrakerdene 'rayîrê asayîşî' virazîyenê û xeylêk darî nika ra birîyayî.