Oznur Deger

 

ENQERE - Fatma Hulya Yildize hetê camerdo ke waşt fek ci ra vera bido ra ameye qetilkerdene. Kiştoxê aye rê cezaya muebetî dîyaye. Avûkate Îrem Esra Komurcu Altun, derheqê muhakemekerdişî de qisey kerd û vat, no qerar do dewayê bînan rê zî nimûneyêke bo û vat: "Ne cil û belgî, ne zî rewşa baş û ne qiseykerdişêk nerm nêbi sebebê kewtişê ceza. Şikdarî cezaya xo girewt."

 

Serra 2019ine ke îqtîdarî Pêkerdişê Stenbolî munaqeşe rê akerd, heta nika goreyê dayeyê ajansê ma yê Jinnewsî tewr tay 926 cinî ameyê qetilkerdene û 304 zî bi şikdar dinyaya xo bedilnayê. Xeylê cinî hetê camêrdê ke nêzdîyê înan de yê ameyê qetilkerdene. guman jiyana xwe ji dest dane. Cinîyê ke her ware de xo ver danê, hemverê polîtîkayê bêcezabîyayîşî têkoşîn kenê.

 

Pêwa qerarê dûrfistişî ameye qetilkerdene

 

Nê cinîyê ke ameyê qetilkerdene ra yew zî Fatma Hulya Yildiz bî û cigêrayîşê edaletî yê merdimanê aye 5 serrî dewam kerd. 2016ine de Fatma Hulya Yildiz waşt ke fek  Mehmet Nevzat Yildizî ra vera bido. Fatma Hulya hîrê serrî bi di tûtanê xo dir Keçîorenê Enqereyî de cuya. Fatma ke tehdîdê şikdarî ra xelas nêbî, qerarê dûrvistişî girewt la pêwa nê qerarî 10ê tebaxa 2019ine de ameye qetilkerdene.

 

Kiştox bêceza nêmend 

 

Şikdar dimayê serebûtî rema Stenbolê û tehqîqato ke ame kerdene de bi nasnameyê sexte ame tepiştene. Bi mengan bi sucê ‘qestî û bi ezyetkerdişê kiştişî', 'binpaykerdişê destnêdayîşê keyeyî', 'dizdî' ra ame muhakemekerdene. Roniştişê 4ê hezîrane ya 37ine dadgeha cezaya giran ya Enqereyî de ame vînayene de sûcê qestî û plankerde kesî kiştiş ra rastê cezaya muabetî ame. Şikdar ke seranserê muhakemekerdişî de argumanê dînî xebitna û hewl da ke xo xelas bikero, xo xelas nêkerd û cezaya ke heq kerdêne girewt.

 

Avûkatanê Fatma ra Îrem Esra Komurcu Altun derheqê dewa de ercnayîş kerd û vat: "Netîceyê ke ma pawitêne ma girewt. Serra 2016 ra heta nika qerarê dûrfistişî esto. Qerarê ke mêrde semedê nêdayîşê nefeqeyî remeno, esto. Yanî Fatma her tim hukm de bîya. Fatma her tim hewl daya û bi tûtanê xo dir şaristanê xo terk kerda û ameya Enqere cuyêka newe awan kerda. La çi heyf şikdar aye rehet nêverdayo."

 

'Cuya taybet nêame destgirewtene'

 

Îreme, dîyar kerd ke şikdar aye û tûtanê aye taqîb keno û verê berî de paweno, plan keno ke zere ra vejîya û aye qetil bikero. Îreme wina dewam kerd: "Ma sey Platformê Ma do Kiştişê Cinîyan Vindarnê tewrê dosy abî. Ma bi avûkatanê keyeyî dir, avûkatanê Merkezê Cinîyan ê Baroyê  Enqereyî û avûkatê bînan dir kolektîf xebityayî. Dosya de îdianame ra bigîrê heta qerar, qerarê nimûneyê semedê dosyaya bîn estbî. Eksê ci dosyayê bînî, na dosya de pêwa  hewldayîşê hetê hemverî, cuya taybetî ya cinî nêame dest gurewtene, hesabê dîjîtal yêcinîye nêameyî destgirewtene. Munaqeşeyê, ‘cinî dayîkek baş a yan ney', 'cinîyêka baş yan ney' nêame kerdene. No zaf girîng o. Şikdar netîceyê dosya de cezaya muebetî girewt. Sewbîna semedê pereyê Fatma zî diznayo ceza girewt. Ma na ceza ra kêfweş ê. Kiştişê cinîyan êdî bîyê sey qirkerdişê cinsî. Ganî vernê de tîya ra muhakeme bêrokerdene."