RIHA - Emîne û Ferît Şenyaşar 9ê Adare ra tepya nobeta xo ya “Edaletî” dewam kenê. Semedê qedexeyan nobeta xo keye de dewam kenê û nobete 90 rojî yo dewam kena.

 

Emîne Şenyaşara ke mêrde û lajê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde roja 90. de nobeta edaletî rê dewam kena. Keye, semedê qedexeyê tebervejîyayîşî keyeyê xo de nobete de yê.

 

Keyeyî hesabê xo yê twitterî ser o no mesaj da: “Qesra Edaletî ya Riha de serdozger ê kesanê ke nêweşxane de qetlîam kerd paweno. Bi nê hawayî o bêhuqûqîyê wextê darbe zî xo pey de verdayî. Wa dosyaya dewa bêra akerdene, edalet bêro caardene.” Ferît Şenyaşarî da zanayene ke semedê nêweşîya dadîya ci hînî ê do hewte de 3 rojan çalakîya nobeta edaletî bikerê, yew roje de ê do seba paştdayîşê huqûqî şaristananê bînan zîyaret bikerê û rojanê bînan de zî keye de nobeta edaletî bikerê.