MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene, bi dewrgirewtişê koma 39ine roja 191ine de dewam keno.

 

Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, dewrgirewtişê koma 39ine dir grev roja 191ine de dewam keno. 

 

153 rojî yo Yunanîstan de grev dewam keno

 

Heto bîn ra Kampa Lavrîo de zî hemverê tecrîdê serê Rayberê PKKyî Abdullah Ocalan û bi amancê paştdayîşê çalakîya zîndanan çalakîya grevê vêşanîye amebî destpêkerdene. Çalakî roja 153ine de dewam kena. Çalakî bi rayberîya Tevgerê Cinîyê Kurdistanî yê Ewropa, Merkezê Kulturî ya Kurdistan û Tevgerê Ciwanê Şorişgêr (TCŞ) de dewam kena.

 

Hemsereka Pêroyî ya OHDyî Îlknur Alcan derheqê kampanyaya îmzayan ya 'Ma nêbenê hemkarê nê sucî' ke semedê pêvînayîş bi Rayberê PKKyî Abdullah Ocalan dir bêro destpêkerdene û 768 huqûqnasan îmza kerdo de qisey kerd û vat, "Semedê welat demokratîk bo ganî tecrîd bêro şiknayene."