ENQERE - Vervatoxa Meclîsê Cinîyan ê HDPyî Ayşe Acar Başaran îfade kerd ke polîtîkayê şerê gemarinî yê îtîfaqê camêrdan ê AKP-MHPyî reyna eşkera bîyê û vat: ''Cinîyî do peynîya nê sîstemî bîyarê.''

 

Vervatoxa Meclîsê Cinîyan ê HDPyî Ayşe Acar Başaran kombîyayîşê înan ê seba xeta têkoşînê polîtîkî ya dewrê neweyî ra verî qisey kerd.

 

Bi kilmî Ayşe qiseykerdişê xo de wina qal kerd:

 

"Îtîrafanê Sedat Pekerî torra gemarine ya serranê 90an reyna eşkera bîye. Ma têkoşînê îfaşkerdişê dewlete ra fek vera nêdê. Ma tim Mayanê Haştîye, Mayanê Şemeyî, Mayanê Pirsûsî reyde têkoşîn kerd û edalet waşt.

 

Îqtîdarê AKP-MHPyî pê polîtîkayanê gemarinan wazeno vengê cinîyan bibirna û la no îqtîdar bîyo parçeyê mafya û çeteyan.

 

Ma do semedê cinîyan waştişê xo yê edaletî dewam bikerê

 

Polîtîkayê şerê gemarinî yê îtîfaqê camêrdan ê AKP-MHPyî reyna eşkera bîyê. Cinîyî do peynîya nê sîstemî bîyarê.tîrafanê Pekerî reyde pêro kerdişê îqtîdarî eşkera bîyî ke xora ma nê çîyî zanayêne. Vejîya werte ke zengînîya şarî senî pêşkêşê şer û sermayedaran kerdene. Reyna eşkera bi ke bingeyê nê şer û kaosî de dişmenîya vera kurdan û cinîyan esta.

 

Têkoşînê cinîyan ra bitersê

 

Vera nê sûcan bêvengîye yena manaya tesdîqê cînayetan, qirkerdişan. Cinîyî do destûr nêdê ke serwerîya camêrdan îqtîdarê xo rona. Şima pê teda û destbendkerdişan nêeşkenê cinîyan bêveng bikerê.

 

Polîtîkaya tecrîdî pêro welatî rê vila bîya

 

Polîtîkaya tecrîdî ya Îmraliyî pêro welatî ra vila bîya, pêro zîndanan de yena caardene. Vera xîretê îqtîdarî û waştişê ci yê dewamkerdişê şerî ma sey cinîyan do seba haştîyêka rûmetêne heta ke tecrîd biqedo têkoşîn bikerê."

 

Çapemenî ra girewte kombîyayîş dewam keno.