AMED - Tepişteyê ke Zîndanê Cinîyan ê Amedî de manenê, derheqê binpaykerdişê heqan de bi mektubêkê şawitî muracatê şubeyê  ÎHDyê Amedî kerdî.

 

Tepişteyê ke Zîndanê Cinîyan ê Amedî de manenê, derheqê binpaykerdişê heqan de 2yê Hezîrane de mektubêk Komeleya Heqê Merdiman (ÎHD) yê Amedî rê şawitî û muracat kerdî. Muracat de  ame dîyarkerdene ke cinî problemê ke wareyê Covîd -19 de ciwîyenê û binpaykerdişê heqan qal kerdî.

 

Xeylêk çî ameyê qedexekerdene

 

Tepişteyan mektubê ke ÎHDyî rê şawitî, vatî ke bi sebebê pandemî pêvînayîşo akerde, spor û xebatê sey kursan ke ameyene dayene, ameyî qedexekerdene. Sewbîna pêwa ke yeno waştene mabêne de mesafe bibo zî, wextê berdiş û ardişê nêweşxaneyî de gardiyan goş nêdanê û citkelepçeyî xebitnenê. Sewbîna cinîyan dîyar kerd ke wextê cigêrayîşê koxuşan de zî gardîyanî hemverê qedexeyê pandemî têgêrenê û cigêrayîşê koxuşan zêde yeno kerdene. Cinîyê tepişteyî dîyar kerdî ke semedê serserdîyê selahîyetdaran testê xeylêk xeylêk tepişteyan Covît -19 pozîtîf vejîyayo. Hema zî tepişteyî bi şikdarîyê şubeyî testê înan kerd.

 

'Personelê weşîye tena rojêke zîndan de manenê'

 

ÎHDyî derheqê mektubî de wina vat, mektub de yeno vatene ke nêweşîya şube ra xelesênê zî koxuşê tepişteyê ke testê înan pozîtîf vejîyayo de yenê verdene. Mektub de yeno vatene ke hîn tepişteyê ke bi jan kewtê semedê nêweşxane benê kenê ring û vera ke ring ra peya bê, hetê wezîfedaranê zîndanî ra dermanê înan yeno dayene û reyke bîn agêrenê zîndan. Tepişteyî vanê ke tena weşkerdoxe/ê ke tena zîndan de esto/a û o/a zî peynîya hewteyî de nêmanena/o. Problemê ke mektub de ameyê nuştene, tehlukeyê zîndanan verê çiman de fîneno ra."

 

Bi tepişteyê nêweşan koxuşe kenê pak

 

Tepişteyî dîyar kenê ke bi hawayêkê nîzam weşkerdoxî nînê û semedê heme nêweşê bi şube kewtê eynî ca de manenê. Pêwa nê rewşa karantînayî de goş nêdanê hîjyen û semedê kesê bi şube kewtê fêkî û sebzeyê ke ci ra feyde bigîrê nêdanê. Sewbîna pakitîye koxuşan zî bi tepişteyê nêweşna yeno kerdene."

 

Bi tepişteyê cinîyan dir pêvînayîş ame kerdene

 

Dimayê mektubê ke tepişteyan şawit, heyetêk Komîsyonê Zîndanan ê ÎHDyê Amedî şî zîndan û cinîyan dir pêvînayîş kerdî.

 

ÎHD derheqê binpaykerdişê heqan de muracat kerd

 

ÎHDyî dimayê Wezaretê Edaletî û Komîsyonê Heqê Merdiman ê Meclisê tirkî rê nuşte şawit. Sewbîna  ÎHDyî derheqê babete de bi rayîrê Serdozgerîya Komare ya Amedî de muracat serdozgerîya derheqî de da.