Medya Uren

 

MÊRDÎN - Dewijê ke krîz û ziwabîyayîş ra tesîr bî, endîşeyê xo yê semedê ameyoxî pare kerdî. Dewijan bale ant serê texrîbatê krîzê ekonomî wina vatî: "Pêser serebûtî qewimyayî û her ke şino rewşa ma kewena tehluke. Semedê krîzê ekonomî roja ewro de semedê xerckerdişê 10 quruşî ma des rey fikiryenê."

 

Krîzê ekonomî, janê koronoyî pîya tememê welatî kerd mîyanê rewşêke tehluke. Coka emsar bi wişkbîyayîşî dir bi tehlukebîyayîşê şino. Dewijê ke kede danê zî binê tesîrê krîzî de manenê. Cinîyê bi nameyê Xeyriye Aynwart û Berîvan Çankaya yê ke dewa Selha ya girêdayê qezaya Mîdyadê Mêrdînî de manenê, derheqê krîzî de qisey kerdî û endîşeyê xo derheqê ameyoxî de pare kerdî.

 

'Polîtîkayê feqîrî yeno bicaardene'

 

Xeyrîye Aynwart ke roniştixê dewe ya wina vat: "Krîzê ekonomî û krîzê weşîye tesîrêk serê komelî de keno. Welatî vêşan manenê. Êdî resayo sewîyeya xela. Coka rewşa normal de yê ke tewr zêde krîz ra tesîr nêbîne dewijî bî. La roja ewro de na rewşe ameya vurnayene. Êdî dewijî yenê feqîrkerdene. Polîtîkayêk feqîrî yeno caardene. Verê rewşa ma baş bî û ma debara xo kerdêne. Lazimîyê ma bi cayêk nêmendêne. Wextê ma ewro temaşe kenê, her çî bîyo eksê ci."

 

'Do heywan û însanî vêşan bimanê' 

 

Xeyrîye dewam de wina vat: "Dewa ma debara xo bi ramitişî û pesdewarî kena. Semedê nê ma hende zêde tesîr nêbîne. La dewe kerdî sey kuçe û şert û mercê ci ameyê vurnayene. Her ke şi ma zî sey şaristanêk mesref kenê. Bi ramitiş û pesdewarî lazimîyê merdimî bi dikanan zêde nêmaneno. Xora ma berardiş kenê û xo zî mird kenê. Krîzî ser o emsar varan zî nêvara û no zî endîşeyê ma zêde kerd. Rewşa wina dewam bikera, do heywan û merdimî zî vêşan bimanê."

 

'Her serre şino tewr xirab beno'

 

Bêrîvan Çankaya zî derheqê debara dewijan de wina vat: "Dewan de pêwa pesdewarî, karê hêgeyan zî yeno kerdene. Selhê de heme debara ma serê nê karan de ya. Sewbîna zaf tay ciwanî karê cîya yê şaristanan de xebityenê. Xeylê ciwanî zî karê dewa xo kenê. Xeylêk kes înan ra zî, semedê bibê wayîrê meslege, mekteban wanenê. Coka hende keda înan veng derbas bena. Semedê ke her het ra ca nêdîyeno înan. Belkî no polîtîkayêk taybet yê serê ciwanê kurmancan de yeno kerdene. Ekonomîya ma zaf xirab nêbî, la her serre ke şino ma werre xo verê rê anê."

 

'Ganî îmkanî bêrê awankerdene'

 

Bêrîvane peynî wina ard: "Belê nika nêvarayîşê varanî û îklîmo ziwa tesîrêk pîl zergûnayî ser o kerd û do ma vêşan verdo. Nika ra heywanî vêşan manenê û vêşanîya ma tewir bi tewir a. Hetê ekonomî de ma krîzê ekonomî ciwîyenê. Nika ma şinê sûke çîyan roşenê, ma des rey fikiryenê ka ma şêrê yan ney. Gelo ma do bieşkê biqedênê yan ney. Heta ma bieşkê ma mesref kêm kenê. Yê ke rewşa înan ma ra tewr xirab a, estê. Ganî semedê ciwanan û feqîran îmkanê karî bêrê awankerdene."