SÊRT- Roniştişê hîrêyînî yê dewaya çawişê pisporî Musa Orhanî dest pêkerd ke Musa Orhan Êlih de tebaxa 2020î de cinîya bi nameyê Îpeke Er rê tecawuz kerd û dima zî bi sebebê xokiştişê aye.

 

Îpeke Era 18 serre dima ke çawişê pisporî Musa Orhanî ci rê tecawuz kerd, întîhar kerde û rixmê pêro xîretan dinyaya xo bedilnaye. Roniştişo 3. yê dewaya çawişê tecawuzkerî Mehkemeya Cezaya Girane ya Sêrtî de pê sûcdarîya 'hêrişê cînsî' yeno kerdene. Keyeyê Îpeke, avûkatê keyeyî, avûkatê baroyanê Amed, Êlih, Sêrt û Komeleya Huqûqnasan a Seba Azadîye (OHD), wekîlê HDPyî Feleknase Uca, Nurane Îmîr û Siddik Taş, aktîvîstê Têgêrayîşê Cinîyan ê Azadan (TJA), endamê KESKî, îdarekarê HDP û DBPyî roniştişî teqîb kenê.

 

Versuc Musa Orhan û avûkatê ci zî Anqara ra pê SEGBÎSî tewrê roniştişî bîyî.

 

Mehkemeya nêverda ke rojnamegerî dewa teqîb bikerê.

 

Roniştişê dewa, bi pawitişê avûkatan dewam keno.