KOBANÊ - Hemsereka Heyetê Enerjîye ya Herêma Firatî Nesrîn Kenan, derheqê birnayîşê awa Çemê Firatî ke hetê dewleta tirkî ser o ercnayîş kerd û vat: "Çar mengan zêdeyêr o dewleta tirkî hempêkerdişî binpay kena. Wazena na rey bi rayîrê birnayîşê awe sîstemê ma rijnayî. Ganî şar zî bi nê polîtîkayan nêro xapênayîş. Ma do bi hemgirewtişê xo planan veng vejê."

 

Dewleta tirkî destpêk de serra 2021 de awa Çemê Firatî serê Herêma Vakur û Rojhelatê Sûrîye birnayî. Goreyê hempêkerdişê Sûrîye û Tirkîye yê parekerdişê awa Firatî, ganî çirkêke de 500 metrekup derbasê herra Sûrîye bibo. La dewleta tirkî mabêne 100-200 metrekupî de vera dana. Birnayîşê awe tesîrêk pîl serê cuya roniştoxê herême kerd. Îdarekarîyê Xoser  zî goreyê îmkanê xo lebate keno ke lazimîyê şarî bi ca bîyaro. Derheqê babete de Hemsereka Heyetê Enerjîye Nesrîn Kenan ercnayîş kerd û ma rê qal kerd.

 

'Dewleta tirkî hempêkerdişî binpay kena'

 

Nesrîne destpêkê qiseykerdişê xo de qalê rewşa awa Firatî kerd û vat: "No zêdeyêrê 4 mengan o dewleta tirkî awa Çemê Firatî serê Sûrîye ra birnaya. Goreyê hempêkerdişê mabêne dewleta tirkî û Sûrîye de ganî çirkêke de 500 metrekupî awe derbasê herêmanê ma biba. La Tirkîya zêdeyêrê çar mengî yo tena 100î heta 200 metrekupî awe vera dana. Bêşik  awe lazimîyê tewr verên cuye ya. Birnayîşê awe tesîrêk negatîf keno. Na rewşe Ev rewşe tesîrê xo serê ramitişî, cereyan, awa şimitişî û sewbîna nêweşîyê bînî ke lêşinbîyayîşê awa Firatî herême de vejîyayê, keno."

 

'Dewleta tirkî bi rayîrê birnayîşê awe wazena sîstemê ma birijno'

 

Nesrîne dewam de wina vat: "Dewleta tirkî dişminê şarî kurdî ya, semedê nê çi destê înan ra bêro hemverê şarê Vakur û Rojhelatê Sûrîye bikerê. Eke merdim cuya roniştoxê binê sîwanê Îdarekarîyê Xoser de ciwîyenê bi yê herêmê bînan bîyarê têhet, ma do bivînê ke pêwa şorişê, şer û hêrişê serê herême rewşa ma sewîya tewr baş de ya. Semedê nê dewleta tirkî bi metodê leşkerî, sîyasî, komelî û nika zî bi birnayîşê awa Firatî dir wazena şoriş û sîstemê ma birijnê. Semedê nê waştişê ma şarî rê oyo ke bi polîtîkeyê dewleta tirkî, nêrê xapênayîş."

 

'Ma do bi pêgirewtişê xo planan veng vejê'

 

Nesrîne veng da NY û vat: "Omidê ma şarî ra esto ke ma nê demê teng û xidar de pey yewbînan bê. Ganî ma planê dişmin bi ca nêyarê, eksê ci ma bi pêgirewtişê xo planê dewleta tirkî veng vejê. Awe û cereyan heqê şarî yo, coka ma do goreyê îmkananê xo lazimîyê cuye bi ca bîyarê. Ma vengdayîşê xo Neteweyê Yewbîyayeyî û rêxistinê heqê merdiman kenê ke tedayê dewleta tirkî bikerê ke wa goreyê hempêkerdişê awa Firatî tê bigeyro. Metodê birnayîşê awe teberê prensîpê exlaqî yo û no tu wext tarîx de nêameyo vînayene. Ganî na rewşe bi hawayêke lez bêra çareserkerdene."