RIHA - Emîne û Ferît Şenyaşar yê ke 84 rojî yo verê Edliyeyê Rihayî de nobeta edaletî de yê, serê hesabê xo yê medyaya dîjîtalî de parekerdiş kerdî û vatî, "Ma bêveng nêmanenê.”

 

Emîne Şenyaşar ke hêrişê pawitox û merdimanê Parlamenterî AKPyî yê Rihayî Îbrahîm Halîl Yildiz de mêrde û di lajê ci ameyî qetilkerdene, bi lajê xo yê Ferît Şenyaşarî ke hêriş de bi birîndarî xilas bi, semedê versuc bêrê tepiştene û muhakemekerdene, nobeta xo ya “edaletî” roja 84ine de dewam kenê.

 

Keye, roja 84ine çalakîya xo de serê hesabê xo yê medyaya dîjîtalî de karîkaturêk babeta ci, "edalet" bi pare kerd û vat, “Bi 84 rojî yo ma verê berê edlîye de pers kenê. Nêweşxaneyê Pirsûsî de kamî hîrê merdimê ma qetil kerd? Heta ke edalet bêro bicaardiş ma do her roje pers bikerê. MA BÊVENG NÊMANENÊ..”