Şehrîban Aslan

 

SÊRT - Çawîşo pispor Musa Orhan ke tecawuzê Îpek Er kerdibi, dima ra bibi sebeb ke Îpeke întîxar bikera. Avûkate Seher Ozalp dewaya ke Musa Orhan ci ra yeno muhakemekerdene ercna û wina vat: "Waştişê ma oyo ke heyetê dadgehe helwestêkê bêhet ramojno."

 

Sêrt de çawîşo pispor Musa Orhan tecwuzê Îpek Er kerdibi û dimayê nê Îpeke întîxar kerdibî. Derheqê gumanbar Musa Orhan de sucê ‘hêrişê cinsî' dewa ame akerdene û hîrên roniştişê dewa do 1ê Hezîrane de Yewin Dadgeha Cezaya Giran ya Sêrtî de bêra vînayene. Rojnameger, rêxistinê cinîyan, sîyasetmedar û avûkatî tewrê roniştişê yewinî bîbî la roniştişê diyîn de tena pawitoxan girewtî zere.

 

Avûkatê şikdarî xeberan înkar kerd

 

Roniştişê yewin de avûkatê şikdarî îdia kerdî ke çîyê ke ameyê ciwîyayîş, têkilîyê waştîye yo û ajansî xeberanê zûran viraznenê. Avûkatê şikdarî sewbîna parekerdişê serê çapemenîya komelî de zî nêrazîbîyayîşê xo ardî ziwan û  îdia kerdibî ke Îpek Er netîceyê tedayê keye û herême ra întîxar kerda. Wextê pawitişê avûkatê şikdarî de maya Îpeke Er serê hişê xo ra şîbî û pî Fuat Er zî wina vatibi: "Heqaret keyeyê ma rê  kenê. Fek erzenê maye, pî û temamê meheta eşîrê ma."

 

Dadgehe waştişê tepiştişî red kena

 

Heto bîn ra şikdar Musa Orhan roniştiş de ca nêgîno û Enqere ra bi SEGBÎSî tewrê roniştişî beno. Pêwa waştişê avûkatanê Îpek Er û rayaumûmî dadgehe bi bahaneyê komkerdişê delîlan tepiştişê şikdarî red kena.

 

Parêzer Seher Ozalp ya ku wê di 1’ê Hezîranê de runiştinê bişopîne, der barê runiştinê de nirxandinek kurt kir.

 

'Ganî çapemenî û rêxistinê cinîyan dewa taqîb bikerê'

 

Sehere vat dosyayê Îpek Er rayaumûmî de înfîal awan kerdo, semedê muhakemekerdişêk adîlane, bi amancê ke esasê kêm bêrê pawitene, dewa yena taloqkerdene. Sehere sewbîna vat, ê sey avûkatî wazenê delîlî bêrê temamkerdene û muhakeme bi netîce bibo û vat: "Roniştişê yewin de her kes kewt edlîye. La semedê pandemî avûkatî zî tede bi sînor kesî girewtî salone. Roniştişê bîn de ma wazenê her kes bi hawayêke azad tewrê dewa bibo."

 

‘Rapor û vatişê şahidan ame redkerdene'

 

Sehere dewam de wina vat: "Dosya de xeylêk esasê kêmî estê. Semedê nuştiş, qalkerdişê  şahidan bêrê temamkerdene, roniştiş ame taloqkerdene. La dadgehe, rapor û atişê şahidan red kerd. Semedê nê zî rastî vejîyê teber, vernîya ci ameyp girewtene. Omidê ma oyo ke dadgehe helwestêk bêhet ramojna. Semedê rastî vejîyê werte, parlamenter û pawitoxê heqê merdiman fek têkoşîn ra vera nêdanê."

 

'Verê xo danê keyeyî'

 

Sehere tewr peyîn vat, wazenê çîyan keye rê girê bidê û verê xo danê keye no zî çîyêk etîk nîyo û vat: "Avûkatê şikdarî semedê wekîlê xo bêsuc nîşan bidê, cuya taybet yê keyeyî bikerê babete lebate kenê û no zî bi tu hawa nîno qebulkerdene."