RIHA - Nobeta 'edaletî' ya Emîne û Ferît Şenyaşar verê edlîyeyê Rihayî roja 81ine dewam keno.

 

Çalakîya nobeta 'edaletî' ya Keyeyê Şenyaşarî vernîya Edlîyeyê Rihayî roja 81ine de dewam keno. Keye saetê serê sibayî de ame vernîya edlîye û çalakîya xo da destpêkerdene. Keye ke nêame verdene baxçeyê edlîye de vinderê, çalakîya xo vernîya barîyerê edlîye dewam keno.

 

'Rojêke do rastî eşkara bibo'

 

Ferît Şenyaşar ke şibi pêvînayîşê birayê xo Fadil Şenyaşarî Zîndanê  Xarpetî de maneno, ewro reyke bîn ame vernîya edlîye. Ferît, derheqê pêvînayîşê birayê xo de qisey kerd û vat, birayê mi bi hawayêke bêhuqûqî 3 serrî yo zîndan de yeno tepiştene, la pêwa nê zî bi tena sereyê xo xo ver dano. Ferîtî dîyar kerd ke bawerîya xo ya bi edaletî vinî nêkenê û wina vat: "Ma bi hêvî yê. Birayê mi zî, bawerîya xo vinî nêkerdo. Rojêke do rastî eşkera bibo û birayê mi zî do zîndan ra vejîyo."

 

'Ma fek têkoşînê xo ra vera nêdanê'

 

Ferîtî, derheqê çalakîya xo de qal kerd û vat, bi rojan o Rihayî de têkoşînê edaletî danê la ê dewlete huqûq û edaletî ci çin o. Ferîtî wina dewam kerd: "Ma roniştişê keyeyî qebul nêkenê. Ma binê zulmî de ciwîyenê. Ma bi paştdayîşê nê têkoşînê xo dewam kenê. 3 merdimê ma ameyî qetilkerdene. Înan rê sozê ma esto. Heta ke kesê qirkerdiş kerdî, nêvejîyê vernîya hukmî û hesab nêdê, ma fek têkoşînê xo ra vera nêdanê."