RIHA - Emîne û lajê ci Ferît Şenyaşar 79 rojî yo nobeta xo ya edaletî dewam kenê. Emîne wina reaksîyon vera hêriş û helwestê vera înan da: “Vilanê me ziwa kerdî. Keyeyê ma xira kerdî.”

 

Emîne Şenyaşar ke mêrde û 2 lajê ci netîceyê hêrişê merdim û pawitoxê Parlamenterê AKPyî Îbrahîm Halîl Yildiz de dinyaya xo bedilnayî û lajê ci Ferît Şenyaşar zî serebûtî de birîndar bi, dest bi nobeta “edaletî” kerdî. Çalakîya Emîne û Ferîtî roja 79ine de dewam kena.

 

‘Keyeyê mi xira kerdî’

 

Emîne û Ferît ameyî verê berê edlîye û çalakîya xo dewam kerdî. Emîne Şenyaşar derheqê pêvînayîşê telefonê lajê xo de wina vat: "Lajê mi odaya yew kesî de yeno tepiştene. Mi ra vat, 'dayê ez semedê to serê lingan de manena.’ Keyeyê mi qetil kerdî. Vilanê ma kozikê înan de çelmisnayî. Ez hêvî kena vilê înan zî biçelmisîyê. Lajê mi zîndan de yo, yê ke keyeyê mi qetil kerdî teber de gêrenê. Keyeyê mi xira kerdî.”

 

Paştdayîş semedê cigêrayîşê edaletî yê keyeyî dewam keno. Hemsereka Şaredarîya Stewrî ya Partîya Demokratîke ya Şaran (HDP) qeyûm tayînê vera ci ame kerdene Gulistan Oncu û Mahsum Denktaş û îdarekarê Artukluyê HDPyî zî ci de heyetêkê serdayîşê keyeyê Şenyaşarî kerd. Hemserekê HDPyî yê Stewrî Selahattin Onder mesaj da ke ê do heta peynî kîşte keyeyê Şenyaşarî de bê.

 

‘Ma do heta peynî bi têkoşîn keyeyî dir bê’

 

Gulistan Oncu zî bale ant serê hêrişê serê keyeyî û wina vat: "Çîyê ke ameyê ciwîyayîş temsîlkarîyê bêedaletî yo. Beno ke ewro kêm kesî tîya de bê labelê bi milyonan merdimê wîcdanê înan birîndar bîyo, ewro pêro keyeyê Şenyaşarî yê. Ma do heta peynî bi têkoşînê keyeyî dir bê.”

 

Heyetî demêkê bi keyeyî dir nobete girewt.