Melîke Aydin

 

ÎZMÎR - Turkan Karagoz û D.C. yê astengdar ke taxa Ahirdir de ciwîyenê, yewin waştişê înan oyo ke sîstemêkê baş de biciwîyê. 

 

Goreyê dayeyê Rêxistinê Hemkarî û Averbîyayîşê Ekonomî (OECD) dinya de tewr tay mîlyarêk astengdarî estê. Tirkîya de zî semedê cigêrayîşêko bi tesîr nêameyo kerdene, hûmara  fermî nîna zanayene, la goreyê ercnayîşê Konfederasyonê Astengdaran, Tirkîya de se ra 13 yanî tewr tay 8,5 milyon astengdar ciwîyenê. Di cinîyê astengdarî yê taxa Ahirdirî ya qezaya Menemenê Îzmîrî de ciwîyenê, zor û zehmetîyê astengdarîyê Tirkîya ercnayî.

 

Turkan Karagoz ji dema ji dayik bûye de nabihîze û neçûye dibistana astengdarên nabihîzin. Jina bi navê D.C. jî ku piştî qeza derbas kir, dest ji hevjînê xwe berda, kursiya wê ya bi teker jî tune ye. Her du jin bi piştevaniya cîranan jiyana xwe didomînin û daxwaza jiyanek baş dikin. 

 

Piranî jiyana wê di mutbexê de derbas dibe

 

Turkan Karagoz, astengdara ke nêeşnawene ya xeylê wextê xo mutbaxê keyeyê xo de derbas kena. Turkane diyalogê xo yê bi însanan dir bi xeyrê kênaya xo ya 16 serrî Gozde Karagoz kena û qet nêşîya mektebê astengdaran. Turkane 47 serrî ya û 4 tutê ci estê. Bi di kênayanê xo dir ciwîyena. Turkane dîyar kena ke eke kar bivîna, karkerîya mewsîmî kena û mêrdeyê ci zî xurde kom keno û şarededarîya Îzmîrî zî paştdayîş dana la qîm nêkeno.

 

 ‘Ez wazena odayê ma cîya bê’

 

Gozde dayîka xo rê qiseykerdiş açarnena û xeylêk wextê ci zî dayîka ci dir derbas beno. Gozde dîyar kena ke yewin waştişê aye oyo ke odayêka aye cîya biba û vat: “Serra vîyarte de ma ameyî na taxe û semedê mektebe dûr bî, ez nêşîya mektebe û sinife de menda. Reyke bîn zî nêşîya. Rewşa ma ya ekonomî xirab a. Ez hetkarî dana dayîka xo. Xora embazê dayika mi zêde çin ê. Wextê şina sûke ez zî ci dir şina. Komele ra hetkarî yeno. Waya mi wanena, şina sinifa hîrêne. Mi waştêne odayêka min a cîya bibayîne.”

 

Cîranan ra paştdayîş gêna

 

Cinîya bi nameyê D.C. zî serrêke û nîm verê qezaya trafîkî ra felç bena û lingê ci yenê terakerdene D.C dîyar kerd ke kursîya ci ya bi tekel zî çin a û tu sazgehî ra paştdayîş nêgîna. D.C wina vat: “Semedê vurnayîş û pandemî ez nêeşkena kontrolê xo yê weşîye zî bikera. Dimayê qeza, min û mêrdeyê mi ma fek yewbînan ra vera da. Hîrê tutê mi estê. Ma bi xêrê cîranan debara xo kenê. Ma bi zor awe û ceyran danê. Ma keye ra werd gênê. Keye kira yo. Ez nêeşkena bixebitya. Pîyê mi kal o, nêeşkeno bixebityo. Ma bi zor cuya xo dewam kenê. Tu cayêk ra paştdayîşêk nîno. Nêweşxaneyêk taybet de emelîyat biba ez eşkena baş biba. La vay o.”

 

D. C. Tewr peyîn waşt ke wa dewlete paştfayîşêk baş bida û sewbîna semedê tutanê xo ameyoxêkê baş wazena.