Gulîstan Azak

 

DÊRSIM - Dêrsim de cinîya bi nameyê V.Y hetê cendermeyan ra rastê tehdîdê merg û şîdetî amebî. Cinîyê Dêrsimijî dîyar kerdî ke bi nê yeno amanckerdene ke şarê  Dêrsimî bêro bêvengkerdene û vatî: “Ganî şarê Dêrsimî wirzo serê lingan. Ganî her kes sere wedarno. Sewbîna rayîr çin o.”

 

Serê rayîrê Pilûr-Dersimî de 20ê Gulane de, cendermeyan û polîsan cinîya bi nameyê V.Y bi sifatê şikdarî GBT ra derbas kerdî. V. 10 deqe dima semedo ke şêra keyeyê xo dinge de vinderte û ekîbê cendermeyan bi şikdarîyê ‘ bombeya gane’ V.  erd de derg kerdî û çek dayî serê sereyê aye. Serê qîrayîşê V. şarî reaksîyon nîşanê cenderme û polîsan da. Polîsî semedo ke şar vila bibo gaz eşt.

 

V. roja serebûtî şî Emnîyetê Dêrsimî û gerre kerd. Walîtiyê eşkerayîya ke rojêke verê da û dîyar kerd ke wezîfedarî hêzê asayîşî ra ameyê girewtene. Heto bîn ra zî semedê derheqê serebûtî de sînorkerdiş esto, avûkatan xo nêresna zabitnameyan.

 

Cinîyê Dêrsimî reaksîyon vera rewşe dayî

 

Wendekar Ezgî Çelebî, dîyar kerd ke serebûtê ke ameyo ciwîyayîş de antişê pêkerdişê Stenbolî bi tesîr o û vat: “Gelo do berpirsîyarê vînîbîyayîşêk canî yan zî  birîndarîyêk kamî bîne? Bi cesaretê ke antişê pêkerdişî ra gênê, wina kenê. Nê nînê qebûlkerdene. Şîdetê camêrdan êdî bi rehetî yeno kerdene. Ganî cinî reaksîyonê xo ramojnê û paştdayîş xurt bikerê.”

 

Amanco esas çîyo?

 

Sultan Sariateş zî dîyar kerd ke nê çî nînê qebulkerdene û vat: “Gelo semedê merdiman bitersnê wina kenê. Amancê înan çiyo? No çî beno ke rayîr netîceyê negatîf abikero. Cuya merdiman tehluke de ya. Na rewşe semedê her kesî bi tehluke ya.”

 

Nazli Çelîk zî wina vat: “Dêrsim de çi heyf her cinî eşkena bi caardişêk wina dir bêra rî bi rî. No travma hemverê pêro cinîyan o. Çîyo ke ameyo ciwîyayîş bêehlaqî yo. Wazenê ke mîyanê komelî de bêbawerîyêk awan bikerê. Bi serran o cuya cinîyan wina yena pelçiqnayene.”

 

‘Amanc bêvengkerdişê şarî yo’ 

 

Geyîk Murat zî wina vat: Serebûto ke ameyo ciwîyayîş, çîyêk lêşin û merdim nêeşkeno qebul bikero yo. Amanc bêvengkerdişê şarî yo. Ganî şar têkoşîn bikero, sere wedarno û wirzo serê lingan. Sewbîna rayîr çin o. Ganî no sîstem peynî bibo.”