RIHA - Emîne û lajê ci Ferît Şenyaşar 76 rojî yo çalakîya xo ya nobete dewam kenê. Keye, bi rayîrê medyaya dîjîtale vat: "Bêrê ma vera zulmî bibê yew."

 

Emîne Şenyşara ke mêrde û di lajê ci serra 2018 de hêrişê pawitox û merdimê Parlamenterê AKPyî yê Rihayî Îbrahîm Halîl Yildiz de vinî kerdî, bi lajê xo Ferît Şenyaşarî dir çalakîya xo bi waştişê “Edaletî” roja 76ine de dewam kerdî. Keyeyê Şenyaşarî semedê qedexeyê vejîyayîşê kuçeyan, çalakîya xo keyeyê xo yê Pirsûsî de dewam kerd.

 

Hemverê zulmî vengdayîşê yewîye

 

Heto bîn ra Keyeyê Şenyaşarî serê  hesabê xo yê medyaya dîjîtalî de veng da û vat: "Bêrê ma hemverê zulmî bibê yew. Baroyê Rihayî zî semedê paştdayîşî vat, ‘Ma raya umumî rê neql kenê ke ma do heta peynî taqîbkerdoxê dewaya ke sey Qirkerdişê Nêweşxaneyê Dewlete yê Pirsûsî derbasê tarîxî bîyo, bibê.' Ma semedê paştdayîşî heme kesan rê spas kenê."