ENQERE - Roniştişo 3. yê Dewaya Kobanê yeno kerdene. Avûkatan heyetê mehkeme ra waşt ke wa xo apey bianco.

 

Roniştişo 3. yê Dewaya Kobanê yeno kerdene ke dewa de hemserekê verênî yê HDPyî, endamê Rayberdişê Merkezî û îdarekarê HDPyî zî tede 28ê ci tepişte 108 sîyasetmedarî yenê muhakemekerdene.

 

Avûkatan reyde wekîlê HDPyî,  Delegasyonê Tirkîya yê Yewîya Ewropa, temsîlkarê dîplomatîkî yê welatanê Yewîya Ewropa mehkeme teqîb kenê.

 

Selahattîn Demîrtaş û Sebahate Tuncel tewrê mehkeme nêbîyî. Fîgen Yuksekdag, Gultan Kişanak, Gulser Yildirim, Zeynep Olbeci, Emine Ayna, Ali Urkut, Nazmi Gur, Cihan Erdal, Can Memiş, Ayhan Bilgen, Meryem Adibelli, zîndanê ke ci de tepişnayeyê, Sirri Sureyya Onder zî Edlîyeyê Çaglayanê Stenbolî ra bi rayîrê SEGBÎSî beşdarê roniştişî bi.

 

Aktivîsta Tevgerê Cinîyan ê Azadan (TJA)  û parlamentera HDPyî ya serdemê verê Ayla Akat Ata, Vervatoxê Partîya HDPyî yê serdemê verê Gunay Kubilay, parlamenterê serdemê verê yê HDPyî Emine Beyza Ustun, Îbrahim Binici, Endamê MYKyî Alp Altınors, endamê MYKyî yên serdemê verê Pervin Oduncu, Ayşe Yagcı, Bircan Yorulmaz, Berfin Ozgul Kose, Dilek Yaglı, Bulent Parmaksiz, Zeki Çelik û Îsmail Şengul eywanê roniştişî de amade bî. 

 

Dewa pê pawitişê avûkatan dewam kena.