AMED - Komeleya Cinîyan a Rosaye, semedê feshkerdişê Pêkerdişê Stenbolî bêro îptalkerdene, Dadgeha Berzî rê dewa akerd.

 

Pêkerdişê Stenbolî ke cinîyan kiştiş û şîdetî ra paweno, menga adare de bi qerarnameyê Serekkomarê AKPyî Tayyîp Erdoganî ra amebi feshkerdene. Reaksîyon û nawnayîşê cinîyan yê hemverê feshkerdişê pêkerdişî dewam kenê.

 

Komeleya Cinan a Rosa semedê betalkerdişê feshkerdişê yê Pêkerdişê Stenbolî muracatê Dadgeha Berzî kerdî û dewa akerdî. Komela waştişname da Dadgeha Berzî û wştişname de dîyar kerd ke feshkerdişê pêkerdişî hemverê dewleta huqûqî yo û semedê heqê merdiman yê cinîyan bêro pawitene, ê wazenê qerar bêro feshkerdene. Komela ke waştişnameyê xo de dîyar kerd ke qerarê feshkerdişî hemverê Destûrê Bingehînî yo û waşte ke qerar bêro vindarnayene.