RIHA - 69 rojî yo çalakîya nobete ya keyeyê Şenyaşarî dewam keno. Keye çalakîya xo ya ewro de wina vat: "Ma mexdûrê qirkerdişî yê wazenê faîl bêrê muhakemekerdene."

 

Emîne Şenyaşar ke mêrde û 2 lajê aye netîceyê hêrişê merdim û pawitoxê Parlamenterê AKPyî Îbrahîm Halîl Yildiz de dinyaya xo bedilnayî û lajê ci Ferît Şenyaşar ke serebûtî de birîndar xelas bi, dest bi nobeta “edaletî” kerdibi. Nobeta keyeyê Şenyaşarî roja 69ine de dewam keno. Keyeyî Şenyaşarî, semedê qedexeyê pandemî çalakîya xo keyeyê xo yê qezaya Pirsûsî de dewam keno.

 

Keyeyê Şenyaşarî, serê hesabê xo yê twîtterî de hesabê Serekkomarî etîket kerd nê mesajî pare kerd: "Ma sey mexdûrê qirkerdişî, ma wazenê faîlî bêrê muhakemekerdene. Coka do no dejê ma tay bo zî vindarno. La no zî destê ma ra ame girewtene. Zehmet beno la gerek ma nê her ca rê neql bikerê. Heta ke no zulm dewam bikero wa kes ma ra helalkerdiş nêwazo."