DÎLOK - Tepişteyê cinî yê Zîndanê Tîpê L yê Dîlokî, nêvejenê revîr.

 

Berfîn Dogan ke Zîndanê Tîpê L yê Dîlokî de yena tepiştene, bi rayîrê telefonî bi keyeyê xo dir qisey kerd û binpaykerdişê heqan ê zîndanan neql kerd. Berfîne neql kerd ke zîndanê înan de çalakîya grevê vêşanîye yê hemverê tecrîdî yeno dewamkerdene û bi ci dir 4 tepişteyê bînê grevê vêşanîye de yê.

 

Berfîne, keyeyê xo rê dîyar kerd ke semedê grev de lazimîyê înan nêdanê, tepişteyê cinî yê nêweşan nêvejenê revîr û tena mengêke ra cinîyê ke tutê înan bi înan dirê vejenê revîr. Keyeyê ke semedê nê caardişan bi endîşe yê wazenê ke waştişê tepişteyan bêrê cewabkerdene.