RIHA - Emîne û Ferît Şenyaşar dîmenêke baxçeyê Nêweşxaneyê Dewlete ya Pirsûsî yê merdimê înan ci de ameyî qetilkerdene serê medyaya komelî de pare kerdî û vatî: "Her çî verê çiman de yo, yo ke çin o edalet û huqûq o."

 

Keyeyê Şenyaşarî semedê ferdê keyeyê xo ke hêrişê pawitox û hetgirê AKPyî de ameyî kiştene 65 rojî yo bi waştişê “edaletî” çalakîya nobete kenê. Keye semedê qedexeyê tebervejîyayîşê kuçeyan çalakî keyeyê xo yê qezaya Pirsûsê Rihayî de dewam keno.

 

'O ke çin o edalet û huqûq o' 

 

Keyeyî dîmenêke Nêweşxaneyê Dewlete ya Pirsûsî ke hêriş ci de amebi kerdene, pare kerd. Parekerdiş de Wezîrê Weşîye Fahrettin Koca, Wezîrê Edaletî Abdulhamit Gul, hesabê fermî yê twittirî yê Serekkomarî ameyî etîketkerdene. Parekerdişan de wina ame vatene: "Serra 2018 roja erîfeye yo. Ca: Nêweşxaneyê Dewlete ya Pirsûsî. Nêweşxaneyî de 3 merdimî ameyî qetilkerdene. Ewro 2021 o û roja erîfeyî yo. Serê dosya de hema qerarê nimte esto. Her çî verê çimanî de yo, yo ke çin o edalet û huqûq o."

 

Dîmen de zî nê vatişî cayê xo girewto: "Tarîx 14.06.2018 Ca: Filistîn nîyo. Îsraîlî tu wext hêrişê nêweşxaneyî nêkerd. Tîya Nêweşxaneyê Dewlete ya Pirsûsî yo. Kesê ke hêriş kerdî keyeyê Yildizî yê parlementerî yo. Wexto ke qerarê nimte wişt, ma do dîmenê zereyî zî pare bikerê. Wa tu çîyêk nimte nêmano. Ma cipersayîşêk bi tesîr û bêhet wazenê. Ma tena edalet wazenê."

 

Vîdeoyî de yeno vînayene ke pêwa polîsê hêzê çevîk û xeylêk kesî nêweşxaneyî de vengê çekan xeylêk ameyîne, dûr kewenê.