MÊRDÎN - Keyeyî, cenazeyê 3 endamê HPGyî ke şerê Bagokî de dinyaya xo bedilnayî girewtî û Nisêbîn û Qoser de defin kerdî. Polîsan destûr nêdayî ke keyeyî cenazeyan bişuyî û nimaj bêro kerdene.

 

8ê Gulane de dewa Badibî yê herêma Koyê Bagokî ya Mêrdînî de mabêne TSK û HPGyijan de şer vejîyabi. Şer de 6 HPGyijî dinyaya xo bedilnabî. Dimayê ke keyeyan 3 cenaze teşhîs kerd, cenazeyê tutanê xo girewtî û defin kerdî.

 

Ramazan Aslan Goristanê Morisî yê qezaya Nisêbînî de, Mazlum Kizil Goristanê Îki Kuyuyolu yê qezaya Qoserî de û cenazeyê Bayram Kuzu zî Goristanê keyeyî yê Kume Evlerî de ame definkerdene.

 

3 cenazeyê bînî yê ke nameyê înan nêame eşkerakerdene, Nêweşxaneyê Dewlete ya Mêrdînî de yê.