STENBOL - Dayîka Aştîye Sîmanperî Akyildiz semedê janê koronayî şîye rehm. Sîmanperî wextê grevê yê 2018ine de verê zîndanî de Dayîkên Laçikspîyan dir tewrê çalakîye bîbî û hetê polîsan ra erd ra amebî kaşkerdene.

 

Dayîka Aştîye Sîmanperî Akyildiz ke nêweşxaneyêk Stenbolî de ameye dermankerdene, şîye rehm. Sîmanperî bi eslê xo qezaya Tûxî ya şaristanê Bedlîsî ra bî û sewbîna nêweşîyê aye yê zerrî û astimî estbî. Sîmanperî semedê janê koronayî 15 rojan nêweşxane de ameye dermankerdene.

 

Sîmanperî ya bi têkoşînê xo yena naskerdene û xeylêk çalakîyê semedê aştî, têduştî û azadî ameyîne kerdene de ca girewte. Sewbîna demê grevê vêşanîye yê par de verê zîndanan de sey Dayîkê Laçikspîyî tewrê çalakî bîbî û hetê polîsan ra erd ra amebî kaşkerdene. Têkoşînê xo de xeylêk rey bi hêrişê polîsan dir rî bi rî mende.

 

Sîmanperî dayîka tepişteya sîyasî Leyla Akyildiza ke Zîndanê cinîyan ê Bakirkoyî de tepişte ya.