RIHA - Emîne û Ferît Şenyaşar yê ke bi waştişê "edaletî" 9ê adare ra tepya verê Edliyeyê Rihayî de dest bi çalakîya roniştişî kerdî wina vatî: “Ma semedê her kesê ke sey ma têkoşînê heqî danê, edalet wazenê.”

 

Qezaya Pirsûsî ya Rihayî de 24ê hezîrana 2018 de vernîya weçînayîşê pêroyî de pawitox û merdimê parlamenterê AKPyî Îbrahîm Xelîl Yildizî hêrişê keyeyê Şenyaşarî kerdibi, mêrde û di lajê Emîne Şenyaşar qetil kerdibî. Emîne û lajê xo Ferît Şenyaşar semedê kiştoxî nêameyî muhakemekerdene, bi waştişê "edaletî” 9ê adare ra verê Edliyeyê Rihayî de dest bi çalakîya nobeta "edaletî” kerdibî. Çalakîya Emîne û lajê aye roja 61ine de dewam kena. La semedê qedexeyê tebervejîyayîşê kuçeyan keye çalakîya xo keye de dewam keno.

 

Keye 30ê Nîsane ra heta nika semedê qedexeyê tebervejîyayîşê kuçeyan de çalakîya xo keye de dewam keno.

 

‘Roj roje paştdayîşî ya’

 

Keyeyî serê hesabê xo yê medyaya dîjîtalî de nê pare kerd: "Ma semedê Misra Oz, Rabia Naz, Ali Îsmail Korkmaz, Nadira Kadirova, Keyeyê Îzolî û xeylêk kesê bînan ke nameyê înan nêardê ziwan yê têkoşînê heqî danê 'edaletî' wazenê. Roj roja paştdayîşî ya.”