WAN - Hemverê vilabîyayîşê vîrusê koronayî de qedexeyê tebervejîyayîşê kuçeyan ame îlankerdene. Welatijî pêwa krîzê ekonomî, Pêwa krîzê ekonomî, feqîrî û betalî mecbûr mendî ke keye de bimanê. Keyedemendiş tewr zêde tesîro negatîf serê cinîyan de kerd. Semedê cinîyan wext çin o ke boye xo bidê.

 

Çarçewaya tedbîrê pandemî de bi qerarnameyê serekomarî de 29ê nîsane û 17ê gulane qedexeyê tebervejîyayîşê kuçeyan ame îlankerdene. Bêguman yê tewr zêde nê prosesî de feqîr û cinîyî tesîr benê. Tewr zêde nê prosesî de kar û barê cinîyan zêdeyêr bi. Wan de zî cinî eynî çî ciwîyenê. Cinî 24 saetan xizmet danê ferdê keyeyî û tu wext zî karê cinîyan xelas nêbeno.

 

‘Karê ma yê rojane xeylêk o'

 

Selma Şîpal, hetêk pes wey kena, hetêk ra xalîyan şuna û pakitî kena. Selma wexto ke boye xo da wina vat: "Karê ma tu wext nêqedêno. Karê keyeyî, karê baxçe û weykerdişê heywanan ûsn. Ez nêeşkena boya xo bida la reyna zî kêfê mi weş o. Mi menga sibate de baxçeyê xo serayêk viraşt. Şitlê firingî, balcan, xiyaran da ro. Ez toxêmê serra vîyarte erzena û dimara ê şitilan roşena. Reyan şîyayîşê xo nêvejêno. La ez semedê debara keyeyî mecbûr a ke nê karî bikera."

 

‘Vîrus nêkişo ma do vêşanî ra bimirê'

 

Reyhan Kiyak zî verê berî de peşmî ravista û derheqê pandemî de wina vat: "Kar çin o, çîyêk çin o û betalî esto. Pandemî kenê sebeb. Eke vîrus ma nêkişo do vêşanî ma bikişo. Ma 4 kes ê, mêrdeyê mi nêxebityeno û ma nêeşkenê debara keyeyê xo bikera. Bi dayîşê çend kuruşan zî welatijan anê kay. Mêrdeyê mi hemalî keno û rojane pere qezenç keno la semedê qedexeyî nêeşkeno bixebityo."

 

Reyhane, tewr peyîn bale ant serê karê keye û vat: "Bi qedexeyan her kes keye de yo. Semedê nê zî karê ma qet nêqedêno. Ma serê sibayî heta şan de xizmet kenê. Sewbîna camêrdan dir roj derbas nêbeno. Ma keye de her tim şer kenê. Semedê ke kar çin o, ma nêeşkenê debara xo bikerê. Ma nêeşkenê fatureyê xo bidê. No zî beno sebebê pêrodayîşê ma."