AMED - Qezaya Baglarî ya Amedî de şikdarê bi nameyê Hatîp Korkmaz ke hemverê 4 tutan îstîsmarê cinsî kerd, semedê xo xelas bikero, pawitişêko yeno zanayene kerd û vat: "Îftîra yo."

 

Qezaya Baglarî ya Amedî de 7ê Adara 2019ine de camêrdo bi nameyê Hatîp Korkmaz semedê 4 tutan îstîsmar kerdibi, keyeyê înan gerre kerdibi. serê gerrekerdişî de 7ê Adare de şikdar ame destbendkerdene û hetê 3ine Dadgerîyê Sulhî ya Amedî r aame tepiştene. Serdozgerîya Komare ya Amedî 2019ine de derheqê şikdarî de ‘îstîsmarkerdişî tutan (4 rey) ’, ‘kesan azadîye ra bêpar verdayîş (4 rey) ’, ‘Tehdîd (reyke)’ îdianame amade kerd.  Îdianame hetê 6ine Dadgeha Cezaya Giran ya Amedî ra ame qebulkerdene.

 

Şikdarî ra 'ez şîya Hec'

 

Îdiname de ame dîyarkerdene ke Merkezê Taqîbkerdişê Tutan (ÇÎM) zî îfadeyê 4 tutan girewtî û tutan îfadeyê xo de dîyar kerdî ke şikdar bi sozê pereyî înan xapênayo, şikdar hêrişê cinsî  kerdo û tewr peyîn hewl dayo înan biremno. Îdianameyî de ame vatene ke şikdar bi şîdetê fîzîkî dir tutan tehdîd kerdo û sewbîna tutan ra vato, ‘ez şîya Hec' û înan bi merg tehdîd kerdo.

 

Îdianameyî de ame vatene ke keyeyan derheqê şikdarî de gerre kerdê û şikdar zî îdia kerdo ke no 'îftîra yo.'

 

Dozgerî sucê cîya ra ceza waşt

 

Dozgerî netîceyê cipersayîş û delîlan de derheqê şikdarî de ‘îstîsmarkerdişê tutan (4 rey) ’, ‘kesî azadî ra bêpar verdayîş (4 rey) ’, ‘Tehdîd (reyke)’ ceza waşt.

 

Îdiname hetê 6in Dadgeha Cezaya Giran ya Amedî ra ame qebulkerdene û roniştişê yewin 19ê Nîsane de ame vînayene. Bi sebebê kêmîyê dosyan bêrê çareserkerdene, roniştiş taloqê 22ê Êlule ame kerdene.