RIHA - Emîne û Ferît Şenyaşar yê ke verê Edlîya Rihayî de çalakîya nobeta "edaletî" organîze kerdî, semedê qedexeyê tebervejîyayîşê kuçeyan çalakîya xo keye de dewam kenê.

 

Emîne Şenyaşara ke laj û mêrdeyê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde 56 rojan ra nata nobeta edaletî de ya. Şenyaşarî semedê qedexeyê tebervejîyayîşî keye de nobete rê dewam kenê.

 

‘Gelo destnêdayîşê birazîyê parlamenterî zî esto?’ 

 

Keyeyê Şenyaşarî serê hesabê xo yê tîwîtterî de fotografo ke tede destê birazîyê H. Î. Yildizî Îbrahîm Yildizî de çeke esta, pare kerd û vat: ''No şexso ke bi sebebê mergê di merdimanê ma birazîyê wekîlî Îbrahîm Yildiz o. Derheqê ey de bira tepiştişî esta la 3 serrî yo mîyanê şarî de gêreno. Birazîyê wekîlî rê dest nêdîyeno pa? Edalet ho ça de yo?”