ÇEWLÎG - Qezaya Kanîreşî ya Çewlîgî de çawişê pisporî yê bi nameyê Ferhat K.yî cinîya bi nameyê R.O.ya ke semedo ke çawiş kewt peyê tutê ci nêrazîbîyayîşê xo mojna derb kerde û ci rê gefî wendî. 

 

Qezaya Kanîreşî ya Çewlîgî de Keyeyanê TOKÎ yê Turgut Ozalî de çawişê pispor Ferhat K. kewt peyê tutan. Tutan ra yew tersa û rema hetê dadîya xo. Dadîye R.O. vera çawişî nêrazîbîyayîşê xo mojna. Çawişî verî cinîye rê gefê mergî wendî dima zî a derbe kerde. 

 

R.O. wedarîyaye nêweşxane, raporê derbe girewt. Cinîye gerreyê çawişî kerd.