RIHA - Çalakîya nobeta edaletî ya Emîne Şenyaşar ke têkoşînê xo yê “Edaletî” semedê qedexeyê tebervejîyayîşê kuçeyan keyeyê xo de dewam kena, kewt roja 54ine.

 

Emîne Şenyaşara ke laj û mêrdeyê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde 54 rojî yo çalakîya xo dewam kena. Semedê qedexeyê tebervejîyayîşê kuçeyan keye, çalakîye keyeyê xo yê qezaya Pirsûsî de dewam keno.

 

Keyeyê Şenyaşarî, serê hesabê xo yê medyaya dîjîtalî de pare kerd û vat: "Demek edalet binê tedayê sîyasî de ameyo pelçiqnayene, ma spasîyê xo heme avûkatê ke ma tena nêverdayê kenê. Ma pêro merdimanê bi wijdan ke her şertî de veng dayî vengê ma zî silam kenê. 1ê Gulane Roja Ked û Paştdayîşî pîroz bo.” Keyeyî nê parekerdişî bi dîmenêke serdayîşê paştdayîşî dir pare kerd.