RIHA - Emîne Şenyaşar û Ferît Şenyaşar 53 rojî yo verê Edlîyaya Riha de nobeta 'edaletî' gênê. Keyeyî îfade kerd ke astengîyê fîzîkî do nêeşkê têkoşînê înan ê edaletî vindarnê.

 

Emîne Şenyaşara ke laj û mêrdeyê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde 53 rojî yo verê Edlîyeya Riha de nobeta edaletî kena.

 

Qedexeyê tebervejîyayîşî ra Emîne û Ferît çalakîya xo rê keye de dewam kenê.

 

'Têkoşînê ma yê edaletî nêeşkeno bêro astengkerdene'

 

Keyeyî medyaya dîjîtale de no mesaj pare kerd: ''Astengîyê fîzîkî nêeşkenê têkoşînê ma yê edaletî vindarnê. Mîyanê her şert û nercî de ma do waştişê xo yê edaletî bîyarê ziwan.''