AMED - Çarçewaya tehqîqatê Serdozgerîya Komare ya Amedî de 11 kesê ke keyeyê xo de ameyî destbednkerdene, bi 3 rojî yo destbendkerdişê înan dewam keno.

 

Bi sebebê tehqîqatê Serdozgerîya Komare ya Amedî de, polîsan roja dişeme merkezê Amedî de bi hawayêke hemwext eşt serê keyeyê 11 kesan û înan destbend kerd.

 

Sereştişê keyeyan de, îdarekarê Partîya Demokratîke ya Şaran (HDP) Ramazan Karakaya, Hamît Onûr, Mûrat Ondeş, Sadik Tosûn, Hemserekê HDPyî yê Peyasî yê verê Kadrî Akkaya, Hemserekê Partîya Herêmê Demokratîk (DBP) yê Amedî yê verê Mehmet Bakir, Hemserekê MED-DERî Rifat Ronî, endamê Meclîsê Şaredarîya Yenîşehîrî Zekî Bagcik, endamê Mecslîsê Şaredarîya Rezanî Nûrettîn Bakan, endama Meclîsê Şaredarîya Peyasî Songul Dag Kapanci zî mîyan de 11 kesî ameyî destbendkerdene. Cipersayîşê 11 kesê ke bi îdîayê “Propagandeyê rêxistine kerdê” yenê sucdarkerdene de, qeraro nimte ame dayene.

 

Ame dîyarkerdene ke îfadeyê 11 kesê ke 3 rojî yo Mudurîyê Polîsan ê Amedî de yenê destbendkerdene do ewro bêro giewtene. Yeno pawitene ke 11 kesî heta serê sibayî sewqê edlîye bêrê kerdene.