ÎZMÎR - Cinîyê HDPyî derheqê kampanyaya 'Feqîrîya cinîyan rê ney' de qisey kerdî û xebatê hîrê rojan yê Egeyî ameyê kerdene de ercnayî. Cinîyê HDPyî wina vatî: "Betalî zêde bîya. Cinî mecbûrî xebityenê. Eynî wextî de keye de zî problem esto. Barê keyeyî serêê milê înan de yo. Na feqîrî de zî têkoşînê cuye danê."

 

Meclîsê Cinîyan ê HDPyî 10ê Sibate de kampanyaya ‘Semedê cinîyan edalet’ deklere kerd û bi şîarê ‘Feqîrîya cinîyan rê ney' lingê diyîn yê herêma Egeyî de 12ê Nîsane de dayî destpêkerdene. Cinîyê HDPyijî xebatê kampanyaya 'feqîrîyê cinîyan rê ney' yê Ege de ameyo destpêkerdene ercnayî.

 

Endama PM HDPyî Berna Çelîk vat, semedê rolê cinsîyetê komelî, feqîrîya cinîyan xora bîyo û bi pandemî dir hîna zêde bi û vat: "Cinî mecbûr ameyê verdayîş ke karê bêasayîş de bixebityê. Dişminayîyê hemverê cinîyan her ke şino, tewr giran beno. Karê ke yenê kerdene cîya bê zî kede nîna vînayene. Binê  mahkumkerdişê cinîyan de polîtîkayê zihnîyetê serdest yê camêrdan esto."

 

 'Ma do cinîyan dir bêrê têhet'

 

Berna qiseykerdişê xo wina domna: "Cinî hemverê polîtîkayê dişminîyê cinîyan de wazenê ke şertê merdimayî de biciwîyê. Semedê nê zî Meclîsê Cinîyan ê HDPyî do xebatê xo dewam bikerê. Prosesê 20 serrê peyînî, bi pandemî dir tewr zêde giran bî. Xebate uca bi eynî hawa; Marmara, Anatolya Mîyanên, Behrê Sîya, Amed, Serhet û Çukurovayî de dewam bikerê. Ma do bi wareyê cîya bi cinîyan dir bêrê têhet."

 

'Yê ke mecbûr manenê vêşan rakewê estê'

 

Endama Meclîsê Cinîyan ê HDPyî ya Îzmîrî Ayşe Ozdamar zî  vat, Îzmîr de çarçewaya serdayîşan de cinîyê muzîkjenan dir ameyê têhet û roblemanê înan goşdarî kerdê û vat: "Dima ra ma bi cinîyê ke atolyeyan de bê sîgorta xebityenê dir ameyî têhet. Ma dî ke cinîyê Romenî tu paştdayîş û xizmet nêgînê. Roja diyîn ma bi cinîyê seyarrotişan dir ameyî têhet. Dîyar kerdî ke pandemî de pere qezenc nêkerdê û coka mecbûr mendê vêşan rakewê.  Kadîfekale de ma bi cinîyê ke mîdyeyan viraznenê dir ameyî têhet. Ma tew peyîn bi sazgehê cinîyan dir ameyî têhet. Verê zî nê problemî bîyê, la pandemî de hîna bîyê giran. Romenî verê zî qij ameyê vînayene. Mobîng û tacîzê hemverê muzîkjenan bi serran o esto. La çi heyf pandemî no hîna zaf giran kerd. Faşîzmê AKP-MHPyî nê prosesî xo rê kerd îmka û terzê cuya xo înan rê ferz kerd. Betalîyêk pîl esto. Nê betalî de zî mecbûr ê bixebityê. Tutê înan estê, keyeyê înan estê. Bar serê milê înan de yo. Feqîrî de tewr zêde cinî têkoşîn kenê."

 

'Cinî bendeyê çareserî yê'

 

Endama Meclîsê Cinîyan ê HDPyî yê Îzmîrî Funda Akbulut zî vat hewl danê vengê cinîyan bidê eşnawitiş û vat: "Şar ameyîşê parlamenteran û kerdişê sohbetê înan dir kêfweş bî. Cinîyan nê vat: "Weçînayîş de yenê la semedê goşdarkerdişê probleman ney. Ma zî vat, ma semedê weçînayîşî nêameyê, ma ameyê ke vengê şima bidê eşnawitiş. Cinîyî semedê ke derdê înan bêrê çareserkerdene qal kerdî. Parlamenterî do semedê nê persan bidê meclîsî. Parlamenterê ma vatî ke do kursîya meclîsî de nê probleman bîyarê ziwan. Persî dayê meclîs la AKP û MHP red kerd. Gelo ma do vinderê. Ney. Ma do her şertî de têkoşînê xo, xebata xo dewam bikerê. Heme kesê ke rastê bêtêduştî yenê, feqîrî kûr ra hîs kenê."