Melîke Aydin

 

ÎZMÎR - Zeynep Atîk Mînîscalco bi berardişê xo bale ant serê xebitnayîşê plastîkî yê ke zirar danê cuya ganeyan û dîyar kerd ke semedê açaryayîşê bibo teşeyê cuye ganî hewldayîşî bibê.

 

Hunermenda seramîkî û resam Zeynep Atîk Mînîscalco û operatorê helîkopterî Marcello Mînîscalco pandemîyê korona vîrusî de qeraxê Foça û behrê ci de berardişê plastîk komkerdişê û bi amancê bale bi anco serê zirarê serê merdimî û xoza, Galerîya Hunerî ya Mîlîmetrîk mabêne 9 û 16ê nîsane de  pêşangeh akerd. Zeynebe dîyar kerd ke hedefê înan oyo ke berardişê xo yê Arte Povera (Hunerê feqîran) bibê teberê welatî û bale ant serê wezîfeyê  îdarekerî, welatijî û çapemenîye ya semedê açaryayeyî bibê teşeyî cuye.

 

Zeynepe heta nika tewrê 20 pêşangehê têmîyan û şexsî bîyo û berardişê xo yê şûşeyê plastîk û parçeyê textan viraşta, sîlîkon, akrîlîk û boyaxê sprey xebitna. Salone pêşangehî de bi mekanîzmayêke aktîf bi şûşeyê plastîk, muşahadeyê binê behrî awan kena. Pêwa nê ziraro ke dano ganean behrê û xozayî zî qal kena. Pêşangehî de vîdeoyêke ahtapotî yê 8 deqeyî yê Marcello Mînîscalco zî eşkena bêro temaşekerdene.

 

Amebi îdaakerdene ke plastîk do xozayî bipawo

 

Zeynebe dîyar kerd ke 100 serrî verê demê ke plastîk petrolî ameyîne berardişî, ameyîne vatene ke na xozaya xo û didan û çermê hîn heywanan zî bipawo û la sewîyeya bîyaye de berardişê zêde yê plastîkî zirarêko pîl dano xoza û merdimayî û vat: "Gelo ganî plastîk qet nêro berardiş? Ney, la ganî lîmîtêk semedê nê bêro vînayîş û açarnayî bêro kerdene. Ganî girîngîyê semedê cam, şûşe, turîkê kaxit, bêro dayene. Tena kes ney, ganî komel û çapemenî bêro teşwîqkerdene. Waştişê mi oyo ke ez cîyabîyayîşêkê awan bikerî. Pêşangeh nêeşkenê cîdabîyayîşêkê awan bikero la çapemenî bido eşnawitiş do xeylêk bi tesîr bo. Ez wazena na dîyarîye tornê xo û ameyoxî bikerê, sebebê nê zî oyo ke her kes nê sey ayabîyayîş hîs bikero."

 

Eşkeno bibo teşeyê cuye

 

Zeynebe tewr peyîn wina vat: "Ez tute bîya, plastîk ame vetene. Nêzdîyê 60 serrî verê. Verê plastîk çinbi. Cam, turikê paç, fîle û turîkê kaxidî estbî. Sepet, seramîk, cam û porselen ameyîne xebitnayene. Goreyê mi ma eşkenê agêrê demê verî. Konteynirê çopî estê. Karêko pîl keweno serê milê şaredarîyan. Mekteban de kargerîyê cîya eşkenê konteyniran bi ca bikerê. Ewropa nê rewra kena. Semedê pêşangehê cîya pêşnîyaz yenê, ez amanc kena ke pêşangehê xo berî teberê welat. Ez o berardişê xo neslî rê verdî, dewam bikerê."