RIHA - Keyeyê Şenyaşarî semedê qedexeyê tebervejîyayîşê kuçeyan nobeta xo ya “edaletî” dewam kenê, dîyar kerdî ke ê muhakemeyêke bêhet wazenê.

 

Çalakîya nobeta edaletî ya Emîne Şenyaşar ke netîceyê hêrişê pawitox û merdimê Parlamenterê AKPyî Îbrahîm Halîl Yildiz de mêrde û di lajê aye dinyaya xo bedilnayî û lajê aye Ferît Şenyaşar ke semedê Edaletî verê berê Edlîyeyê Rihayî de dabi destpêkedene, roja 47ine de semedê qedexeyê tebervejîyayîşê kuçeyan de keye de dewam kenê.

 

Keyeyî serê hesabê xo yê twîtter de dîmenê derheqê qirkerdişî de vila kerd û wina vat: “Sanîyeyê nê dîmenî hêrişî hetê cîranê ma ra ame qeydkerdene. Yo ke bi çekê lûleyê derg ameyo hêriş, merdimê parlamenterî yo. Polîs keweno mabêne çek ci ra gêno. Reyna çekê xo polîsî ra gêno. Dewaya bi netîce bî de nameyê ci zî derbaz nêbi. Coka ma wazenê hukm bêhet têbigeyro.”