Melîke Aydin

 

ÎZMÎR - Avûkate Funda Ekîn dîyar kerd ke derheqê Selîm Ahmet Kemaloglu ke cinîya bi nameyê Zeynep Şenpinar qetil kerd de cezaya muebetî ameya dayene û vat, no hetê sewîyeya sucî de kêm o û vat, qerarê dadgehe sey ke fehskerdişê Pêekrdişê Stenbolî tesdîq bikero yo.

 

Qezaya Menteşî ya Muglayî de 24ê Gulana 2020ien boksor Selîm Ahmet Kemaloglu cinîya bi nameyê Zeynep Şenpinar qetil kerdibi. Dewaya ke Selîm Ahmet Kemaloglu ci ra ameyîne muhakemekerdene, roniştiş 20ê Nîsane de Yewin Dadgeha Cezaya Gran ya Edlîyeya Muglayî de ameye vînayene. Heyetê dadgehe, verpayê  bendewarîyan û mutalayê dozgerî semedê gumanbarî muebeto giran ney, rewşa ci yê senînîye nêdî û cezaya muebetî da ci. Avûkata ke dewa bierşawê îstînafî, Funda Ekîn, derheqê qerarê dadgehe de ajansê ma rê qisey kerd.

 

'Ma bi sînor beşdarê mutalayî bîbî'

 

Fundaye derheqê qerarê dozgerî de wina qal kerd: "Îdianameyî de semedo ke ercnayîşêko derheqê Madeyê  81ine ê TCKyî ke derheqê ke maktul rewşêke de nêeşkayîne xo bipawa, ma bi sînor beşdarê mutalayî bî û ma waşt ke tu vistişêk nêro kerdene û cezaya muebeto giran bêro dayene."

 

Funda dewam de vat ke dosya de yeno dîyarkerdene ke Zeynepe wexto ke remana bi ezîyet yena qetilkerdene, wexto ke Beşê Lezgîn ê 112 gêrena, veng Zeynepe ra yeno û bi raporê Sazgehê Tipê Edlî yê Muglayî ya Daîreyê Îhtîsasî zî vejêno werte ke ehliyetê cezayî yê gumanbarî esto. Funda wina dewam kerd: "Mutala zî xo seperneno nê. Ma zî pawitişê xo goreyê nê kerd. Semedê suc ra biremo, vernîya serebûtî de çî yenê vîrê ci. Gumanbar, sûcdarîyê derheqê Zeynebe de, pawitişê xo de mesaj zî sey delîl ramojna. Bi nê hewl da ke xo pak vejo."

 

'Cezayêke bi tesîr nêdayî'

 

Funda vat, dadgehe esasê pawitişê gumanbar û avûkatan de qerar daya û rewşa senînîye sucî nêdîya û vat: "Semedê nê zî demêko nêzdî de tahlîyebîyayîşê gumanbaran, rewşa baş yan zî texrîkê vistişê ceza, babeta vatişî ya. Ma no dosya de zî dî ke cezayî bi tesîr nîyê. Semedo ke cezaya muebeto giran bigiro, ma do şêrê e em Dadgeha Îstînafî. Ma xo rê roniştiş de zî vat. Pêro dewayê kiştişê cinîyan de cezayê bi tesîr lazim ê."

 

'No qerar binpaykerdişan tesdîq keno'

 

Funda tewr peyîn wina vat: "Feshkerdişê pêkerdişî babetêka vera usulî ya. Hema merîyet de ya. Her çiqas vajê ke ma ci ra vejîyayê zî heta 1ê temmuze hema merîyet de ya. Ma do no het ra îtîrazê xo bikerê û hem hetê huqûqî û hem zî sey cinî têkoşînê xo dewam bikerê."