STENBOL - Dadgehe waşt ke dosyaya kesê ke derheqê înan de qerarê tepiştişî esto û dewaya 17 ci ra rojnamegerî ke 22 kesî sereştişê awanîya Rojnameyê Ozgur Gundemî de ameybî destbendkerdene û ci ra yenê muhakemekerdene, bêro cîyakerdene.

 

Rojnameyê Ozgur Gundemî bi Qerarnameyê Hukmê Qanûnî de (KHK) serra 2016 de amebi padayîş. 16ê tebaxa 2016 de polîsan eşt serê awanîya Ozgur Gundemî de û 17 ci ra rojnamegerî 22 kesî ameybî destbendkerdene, yenê muhakemekerdene. Nê 22 kesî sucê “heqaret polîsan rê kerdê” û “wezîfeyê polîsan rê bîyê asteng” yenê muhakemekerdene. Roniştişê 9ine dewaya 5ine Dadgeha Cezaya Asliye ya Çaglayanê Stenbolî de ame kerdene. Rojnamegerê ke yenê muhakemekerdene, beşdarê roniştîşî nêbî û avûkatê înan amade bî.

 

Avûkat Ozcan Kiliçî dîyar kerd ke tu fîîlêke dosy ade bêro kerdene nêmendo û waşt qerar bêro eşkerakerdene.

 

Heyetê dadgehe qerar da ke dosyaya kesê ke derheqê înan de qerarê tepiştişî esto bêro cîyakerdene û semedo dozgerî mutalayê xo derheqê dosya de amade bikero, roniştiş taloqê 17ê temmuze kerd.