MERKEZÊ XEBERAN - Bi munasebetê Roja Rojnamegerîya Kurdî MKGPyî bale ant serê adetê çapemenîya kurdî û vat: "Ma do qelema xo yewperestîyê îqtîdarî rê nêverdê."

 

Platformê Rojnamegerê Kurdan ê Mezopotamyayî (MKGP), bi munasebetê Roja Rojnamegerîya Kurdî eşkerayî da. Eşkerayî de ame vatene ke 'Çapemenîya Kurdî ya vengê rastî û şarî ya 123 serrî ya.' Dewam de ame vatene ke do raywanîya taqîbkerdişê heqîqetî dewam bikero.

 

'Ma do berpirsîyarîyê xo yê taqîbkerdişê heqîqetî bi ca bîyarê'

 

Dewamê eşkerayî de wina ame vatene: "Tarîxî çapemenîya kurdî de her qetilkerdiş, vinîkerdiş, sansur, destbendkerdiş û tepiştiş ameyo kerdene û dewam keno. Labelê rojnamegerîya kurdî hemverê nê game peyser nêeşt. Ma do berpirsiyarîyê xo yê taqîbkerdişê heqîqetî we ya şopandina heqîqetê bi ca bîyarê. Ma do sey rojnamegerê cinî mîrasê ke ma girewto ma do dewam bikerê. Ma do qelema xo yewperestîyê îktidarî rê nêverdê. Ma do cayê Gurbeteli, Deniz, Nûjiyanan bi keda xo ameyê dewam bikerê. Ma roja pêro embazanê xo yê ke ekde danê pîroz kenê."