AMED - Semedê şermezarkerdişê tecrîdî û wayîrvejîyayîşê çalakîya grevê vêşanîye ya zîndanan, Rêxistinê HDPyî yê Amedî, çalakîya roniştîşî kerdî.

 

Rêxistinê Partîya Demokratîke ya Şaran (HDP) ya Amedî, waşt ke Parkê Koşûyolî yê qezaya Rezanî ya Amedî de, semedê şermezarkerdişê tecrîdê serê Rayberê PKKyî Abdullah Ocalanî û wayîrvejîyayîşê çalakîya grevê vêşanîye ya zîndanan ke hemverê tecrîdî ameyo destpêkerdene, çalakîya roniştişî organîze bikero. Îdarekar û hemserekê rêxistinê HDPyî û Partîya Herêmê Demokratîkî (DBP) yê Amedî, aktîvîstê Tevgerê Cinîyan ê Azadan (TJA), endamê Komeleya Hetkarîya Keyeyê Tepişteyî û Hukmwerdeyî (TUAY-DER) û xeylêk welatî tewrê çalakî bî.

 

Vernîya eşkerayîye polîsan cayê eşkerayî kerdî binê ablûqa û vernîya girse padayî. Pêwa pêwînayîşê ke mabêne polîsan û Hemserekê HDPyî yê Amedî Zeyat Ceylanî de ame kerdene zî bi bahaneyê eşkerayî derheqê tecrîd û grevê vêşanîye de ya polîsan destûr nêda eşkerayî.

 

Serê astengkerdişî de girse bi tilîlî û sloganê, “Biciwîyo xoverdayîşê zîndanan" reaksîyon vera polîsan ramojnayî û çalakîya şermezarkerdişî kerdî.