STENBOL - Meydanê Azadîye ya Bakirkoyî, endamên Platformê 1ê Gulane waştî ke vengdayîşê 1ê Gulane bikerê. Polîsan hêrişê endamê Platformê 1ê Gulane kerdî, înan kuwayî û destbend kerdî.

 

Meydanê Azadîye ya Bakirkoyî de endamê Platformê 1ê Gulane, waştî ke vengdayîşê 1ê Gulane bikerê. Polîsan hêrişê endamê Platformê 1ê Gulane kerdî, înan kuwayî û înan destbend kerdî. Rojnamegerê ke waştî dîmenan bigîrê, ameyî astengkerdene.

 

Şubeyê Stenbolî yê Komeleya Huqûqnasan ê Modernî (ÇHD) derheqê babete de eşkerayî da. Eşkerayî de wina ame vatene: "Karkerê ke hemverê xespê heqî de sere wedaritî û vengdayîşê 1ê Gulane kerdî, hetê polîsan ra bi îşkence ameyî destbendkerdene. Endama ma ya GMyî avûkate Seher Dûrsûn zî semedê mudaxaleyê hêrişê polîsan kerd, ameye destbendkerdene. Şîdetê polîsan û destbendkerdişî dewam kenê. Karkerê ke bi îşkence yenê destbendkerdene, wesayîtê polîsan de bi copan derb wenê."