COLEMÊRG - Şaredarîya Geverî ya Colemêrgî ke hetê qeyûm ra yeno îdarekerdene, wareyê zergûnayî yê qeza ke bi nameyê, "Mîyanê darê reysa" yeno binamekerdene, açarna cayê çopxane.

 

Tîmê pakkerdişî vewre yê girêdayê Şaredarîya Geverî, çele de merkezê qeza de binê nameyê pakkerdişê vewre de vewra ke kom kerdibî, berdibî wareyêzergûnayî de veng kerdibî. La dimayê ke vewre heliya, cayê vewre de komêke çop vejîya werte û wareyê zergûnayî zî xo dir açarna cayê çopî.

 

Wareyê zergûnayî ke qeyûm açarna çopxane her mewsîmê hamnanî de semedê tutan sey wareyê kaye yo û semedê roniştixê qeza zî cayê seyranî bi.