RIHA - Keyeyê Şenyaşar semedê qedexeyê tebervejîyayîşê kuçeyan nêşî verê Edlîyeyê Rihayî. Ferît Şenyaşar zî ewro şi serdayîşê goristanî û Emîne zî keye de çalakîya xo dewam kena.

 

Emîne Şenyaşar ke mêrdeyê xo û di lajê xo hêrişê AKPyijan de Pirsûs de vinî kerd, lajê xo yê Ferît Şenyaşarî dir 40 rojî yo Edlîyeyê Rihayî de bi waştişê, “Edalet” çalakîkena. Keyeyê  li Şenyaşarî semedê qedexeyê tebervejîyayîşê nêşî verê Edlîye. Emîne û Ferît Şenyaşar keyeyê xo de nobeta xo ya edaletî dewam kenê.

 

Ferît Şenyaşar roja 40ine çalakî de şi Goristanê Asrî yê Pirsûsî û serdayîşê gorê pîyê xo Haci Esvet û birayê xo Celal û Adil Şenyaşar kerd. Emîne Şenyaşar semedê problemê weşî nêeşka şêro serdayîşê goristanî. 

 

Ferît Şenyaşar serdayîşê goristanî de qisey kerd û vat: "Ewro semedo ke qedexeyê tebervejîyayîşê kuçeyan esto, ma nêşî verê Edliye. Vera edlîye ez ameya serdayîşê gorê qûrbanîyanê ma. Pîyê mi û birayê mi hetê Parlamenter Îbrahîm Halîl Yildiz û merdimê ey ameyî qetilkerdene. Serê serebûtî ra 3 serrî derbaz bi, la hema zî kiştoxî nêameyê tepiştene. Ma do bawerîya xo ya semedê edaletî vinî nêkerê û her wext edalet biwazê. Ma veng danê merdimê wayîrê wijdanî ke wayîrê dewaya ma vejîyê."