STENBOL- Avûkatan, wasî û keyeyê Rayberê PKKyî Abdullah Ocalanî semedê pêvînayîşî muracatê neweyî kerdî.

 

Avûkatanê Rayberê PKKyî Abdullah Ocalano ke 1999î ra nata Îmrali de binê tecrîdî de yeno tepiştene, Îbrahîm Bilmez, Newroze Uysal û Serbay Koklu seba ke roja dişemeyî muwekîlê xo reyde pêvînayîş bikerê muracatê Serdozgerîya Komare ya Bursa kerd.

 

Birayê Rayberê PKKyî Abdullah Ocalanî Mehmet Ocalan û wasîyê ci Mazlûm Dînçî zî semedê pêvînayîşî muracatê Serdozgerîya Komare ya Bursa kerd.

 

Keyeyanê tepişteyan ê bînan ê Îmraliyî ra birayê Omer Hayrî Konarî Alî Konarî, birayê Hamîlî Yildirimî Plat Yildirim û waya Veysî Aktaşî Melîhe Çetîn zî bi rayîrê avûkatanê xo seba pêvînayîşî muracat kerd.

 

14ê adare ra nata bi desan reyî semedê 'pêvînayîşê lezabezî' muracatê Serdozgerîya Komare ya Bursa, Dadgerîya Înfazî ya Bursa û Wezaretê Edaletî ame kerdene. CPTyî rê zî di rey muracat ame kerdene. Cewab nêdîyeno muracatanê avûkatan.

 

Avûkatan tewr peynî 8 serran da dima 2-22ê gulane, 12-18ê hezîrane û 7ê tebaxa 2019î de muwekîlê xo reyde pêvînayîş kerdbi.