Medya Uren

 

MÊRDÎN - Endama Meclîsê Dayîkê Aştîyê Selma Ozturk ke bi hesretê wendiş û xêzkerdişê resiman ciwîyena, nika heme xeyalê xo gane kena. Selma dest bi wendiş kerd û resiman xêz kena vat: "Semedê çîyê ke erey nîyo, ganî ma xeyalanê xo nêkişê."

 

Hetê keyeyî ra destûrê wendişê Endama Meclîsê Dayîka Aştîye Selma Ozturk nêame dayîş û tutî de ameye zewicnayene. Dimayê ke tutanê xo da wendiş, 49 serrîya xo de dest bi xêzkerdiş û wendiş kerd. Selma xeyalê xo bi ca ard û xeylêk berardişê aye estê. Selma eynî wextî de veng da cinîyan û dîyar kerd ke xeyalê cinîyan bi zorê komel û camêrdan nêmirê.

 

 'Ma fek eşqê xo ra vera nêda'

 

Selma qalê xeyalê xo ma rê kena û vat: "Ganî merdim xeyalê kesî nêkişo û qij nêvîno. Bi taybet zî bi cinsperestî nêzdîyê ê kesan û xeyalê înan nêbo. Çi heyf wina nêzdîyê ma bî. Rexmê heskerdişê ma yê wendişî rê zî ma tim ameyî astengkerdene. La ma fek hêrsê xo ra û eşqê xo ra vera nêda. Seke pêro eşqê bînan."

 

'Ez bi cigêrayîş musaya'

 

Selma vana fek xeyalê xo ra vera nêdaya û hemverê şîdetî xo ver daya û vat: "Mi tutê xo wey kerd. Ez hetêke ra zî kewta mîyanê Dayîkanê Aştîye. Mi demêke veng xo rê nêverda. Dimayê tutî pîl bî zî mi dest bi musayîşê wendişî kerd. Dima ra zî ez hewteyêke şîya qursê resimî. Semedê janê koronoyî qurs zî ameyî padayîş. Mi na rey serê medyaya komelî cigêrayîş kerd û mi xêz kerd. Ez bi cigêrayîşî resim musaya."

 

'Wa cinî şansêke bîn zî bidê xeyelanê xo' 

 

Selma wina dewam kena: "Wexto ke ez şîne kurs, keye bi hawayêke ecêb nê pêşwazî kerdêne. Vatêne ti nê emrî de se kena? Eke xeyalê merdiman yê nimcetmende bibê, çîyê ke ma şerm bikerê û peyser şêrê çin o. Yê ke ma rê bîyê asteng, wa şerm bikerê. Eke ez ewro zî bieşka xeyalê xo sere ebrî, no serkewtiş o. Nika zî bi boyaxê dohnî resim xêz kena, yan zî nexşê cîya cîya viraznena. Ganî her cinî semedê xeyalê xo şansêke bîn zî bido. Eke asteng bibo hêrsê cinîyan zî esto û cinî jîyatî ya. Eşkena serbikewa."

 

'Resim hizûr o'

 

Selma tewr peyîn wina vat: "Wexto ke ez xêz kena, pêro acizîyê cuye mi kerd xo vîr ra. No mi rê sey psîkolog o. Ez pê şa bena, resana hizûr. Bi taybetî zî xoza, çûçike û pelpelikan viraznena. Tewr zêde zî Şahmarane. Kurdî eşqê xozaye yê. Bawer a heskerdişê mi zî no yo. Ez heskerdişê xo ra xêz kena. Hîvîdar a pêro cinî zî nê cesaret bikerê."